ပြည်သူများ လျှပ်စစ်ဓာတ်အားပြည့်ဝစွာရရှိရေး၊ ဗို့အားတည်ငြိမ်ရေးနှင့် ဓာတ်အား ပျောက်ဆုံးမှု လျှော့ချနိုင်ရေးအတွက် လျှပ်စစ်နှင့်စွမ်းအင်ဝန်ကြီးဌာနမှ ဒုတိယဝန်ကြီး ဒေါက်တာထွန်းနိုင် သည် လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာနမှ ညွှန်ကြားရေးမှူးချုပ် ဦးအေးကျော်၊ ဒုတိယညွှန်ကြားရေးမှူးချုပ် ဦးသိမ်းသူရ၊ လျှပ်စစ် ဓာတ်အားဖြန့်ဖြူးရေးလုပ်ငန်းမှ အင်ဂျင်နီယာချုပ် ဦးစောဝင်းမောင်နှင့် တာဝန်ရှိသူများ လိုက်ပါလျက် (၂၀.၁၀.၂၀၁၇) ရက်နေ့တွင် ပဲခူးတိုင်းဒေသကြီးအတွင်းရှိ ၃၃/၁၁ ကေဗွီ ၅ အမ်ဗွီအေ ရေနီခွဲရုံ၊ ၂၃၀/၃၃/၁၁ ကေဗွီ ၁၀၀ အမ်ဗွီအေ သဲဖြူခွဲရုံ၊ ၃၃/၁၁ ကေဗွီ ၂ အမ်ဗွီအေ  ဆွာခွဲရုံ၊ ၃၃/၁၁ ကေဗွီ ၅ အမ်ဗွီအေ ရေတာရှည်ခွဲရုံ၊ ၃၃/၁၁ ကေဗွီ ၁၀  အမ်ဗွီအေ တောင်ငူ (ရခိုင်စု) ခွဲရုံ ၊  ၃၃/၁၁ ကေဗွီ ၅ အမ်ဗွီအေ ထန်းတပင်ခွဲရုံနှင့် ၂၃၀/၃၃/၁၁ ကေဗွီ ၆၀ အမ်ဗွီအေ ဟင်းငုတ်ပင်ခွဲရုံများသို့ ရောက်ရှိ ခဲ့ပါသည်။

          အဆိုပါ ခွဲရုံများတွင် လက်ရှိ ၃၃ ကေဗွီ ၊ ၁၁ ကေဗွီ ဓာတ်အားလိုင်းများဖြင့် ပြည်သူလူထုအား ဓာတ်အားပေးလျက်ရှိသည့် အခြေအနေများအား စစ်ဆေး၍ ပြည်သူများ ဗို့အားတည်ငြိမ်ပြည့်ဝစွာ အသုံးပြုနိုင်ရေးအတွက် ဗို့အားအတက်အကျ ဖြစ်ပွားနေမှုများအား ထိန်းညှိဆောင်ရွက်ခြင်းများကို စီစဉ်ဆောင်ရွက်ပေးခဲ့ပါသည်။