The Republic of the union of myanmar

MINISTRY OF ELECTRIC POWER

Breaking News :
    (၁၂.၁.၂၀၂၅) ရက်နေ့ လျှပ်စစ်ဓာတ်အား စုစုပေါင်းထုတ်လုပ်ခဲ့မှုမှာ (၃၆၆၄၄.၁)မဂ္ဂါဝပ်နာရီဖြစ်ပါသည်။    

ကူညီ ဝေမျှ ပညာရ
MOEP နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
ios apk
www.moep.gov.mm

Total visitors

10588K+

သတင်းထုတ်ပြန်ချက်

၂၀၂၄ခုနှစ် ဖေဖော်ဝါရီလ ၁၆ ရက်

   ၂၀၂၄ ခုနှစ် ဖေဖော်ဝါရီလ ၁၅ ရက်နေ့ ညနေပိုင်းတွင် လျှပ်စစ်စွမ်းအားဝန်ကြီးဌာန၊ ဒုတိယဝန်ကြီး ဦးအေးကျော် တာဝန်ရှိသူများလိုက်ပါလျက် ပဲခူးတိုင်းဒေသကြီး(အနောက်ပိုင်း)၊ မင်းလှမြို့ရှိ ၂၃၀ကေဗွီ, ၁၀၀အမ်ဗွီအေ မင်းလှ ပင်မဓာတ်အားခွဲရုံ၌ ဝန်ထမ်းများနှင့်တွေ့ဆုံပြီး ဓာတ်အားခွဲရုံ၏ ဓာတ်အားပို့လွှတ်ဖြန့်ဖြူးထားရှိမှုအခြေအနေနှင့် လုပ်ငန်းဆောင်ရွက်နေမှုအခြေအနေ တို့အား လိုက်လံကြည့်ရှုစစ်ဆေးခဲ့ပါသည်။ 

   ယခုလ ၁၅ ရက်နေ့ ညနေပိုင်းတွင် ဒုတိယဝန်ကြီးနှင့် ဌာနဆိုင်ရာတာဝန်ရှိသူများသည် ပဲခူးတိုင်းဒေသကြီး(အနောက်ပိုင်း) ရှိ  ၂၃၀ကေဗွီ, ၁၀၀အမ်ဗွီအေ မင်းလှ ပင်မဓာတ်အားခွဲရုံသို့   ရောက်ရှိရာ ဓာတ်အားခွဲရုံမှူးက ဓာတ်အားခွဲရုံ၏ ဓာတ်အားပို့လွှတ်ဖြန့်ဖြူးနေမှုအား ရှင်းလင်းတင်ပြရာ ဒုတိယဝန်ကြီးက မိမိတို့ဝန်ကြီးဌာနသည် နိုင်ငံရှိသဘာဝအရင်းအမြစ်များကိုအသုံးချ၍ နည်းမျိုးစုံဖြင့် လျှပ်စစ်ဓာတ်အားကို ထုတ်လုပ်၊ ပို့လွှတ် ၊ဖြန့်ဖြူးပေးလျက်ရှိပါကြောင်း၊ ထရန်စဖော်မာဝန်အား စာရင်းအား အမြဲစိစစ်၍ မှတ်တမ်းထားရှိရန်၊ ဓာတ်အားလွှတ် ပစ္စည်းများအား ပုံမှန်စစ်ဆေး၍ လိုအပ်ပါက ထိန်းသိမ်း ပြုပြင်ရေးလုပ်ငန်းများ ဆောင်ရွက်သွားရန်၊ လျှပ်စစ်အန္တရာယ် ကင်းရှင်းရေးနှင့် လုပ်ငန်းတာဝန်များ လစ်ဟင်းမှုမရှိစေရေး လုံခြုံရေး အသိ၊ သတိဖြင့် ဝန်ထမ်းများ အားလုံး စည်းလုံးညီညွှတ်စွာ ပူးပေါင်း ဆောင်ရွက်သွားကြရန်နှင့် ဝန်ထမ်းများ အရည်အသွေး မြှင့်တင်ရေး ဌာနတွင်းလုပ်ငန်းခွင်မပျက် သင်တန်းများ ဖွင့်လှစ်ပို့ချပေးရန်၊ ပွင့်လင်းရာသီ ရောက်ရှိပြီဖြစ်၍ မီးတားလမ်းများဖော်ဆောင်ပြီး မီးဘေးအန္တရာယ် ကာကွယ်ရေးကြိုတင် ပြင်ဆင်ထားရန်၊ ဓာတ်အားခွဲရုံအတွင်းအပြင် သန့်ရှင်း သာယာ လှပရေးဆောင်ရွက်ရန် ၊Switchgear  များအား ပုံမှန်ပြုပြင် ထိန်းသိမ်း၍ ကြံ့ခိုင်မှု ကောင်းမွန် စေရေး ဆောင်ရွက်ရန်နှင့် အခြားလိုအပ် သည်များမှာကြား၍ ဝန်ထမ်းများအား ထောက်ပံ့ငွေများ ပေးအပ်ခဲ့ပါသည်။

   ဆက်လက်၍ ဒုတိယဝန်ကြီးသည် ဓာတ်အားထိန်းချုပ်ခန်းအတွင်း ဓာတ်အားပို့လွှတ် ဖြန့်ဖြူးပေးနေမှုနှင့် Switch Yard အတွင်း လက်ရှိဓာတ်အားလိုင်းများ၊ ဓာတ်အားလွှတ်ပစ္စည်းများ၏ အခြေအနေနှင့် Switch-Bay အသစ်တိုးချဲ့တည်ဆောက်နေမှုတို့အား လိုက်လံကြည့်ရှုစစ်ဆေး၍ လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိပါသည်။

Post under by : ဝန်ကြီးရုံး
17-Feb-2024
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electric Power

  • www.moep.gov.mm
  • Nay Pyi Taw, Myanmar.
  • 0673410072, 0673410487, 0673410483
www.moep.gov.mm

Total visitors

10588K+
© by MOEP. Powered by Next Hop Co.,Ltd.