MOEE

လျှပ်စစ်မီတာအသစ်များကို Website မှ လျှောက်ထားနိုင်ကြောင်း အသိပေးကြေညာခြင်း

လျှပ်စစ်ဓာတ်အားသုံးစွဲလိုသော်လည်း မီတာမရှိသေးသည့် မိဘပြည်သူများအနေဖြင့် အိမ်သုံး အပြင် စီးပွားရေး/ စက်မှုလုပ်ငန်းများအတွက်ပါ လိုအပ်သည့် လျှပ်စစ်မီတာအသစ်များကို နိုင်ငံတော်အစိုးရထံမှ ငှားရမ်းအသုံးပြုရာတွင် လျင်မြန်စွာ ရရှိနိုင်ရန်နှင့် တစ်ဆင့်ခံပွဲစားများ၊ ဝန်ထမ်းများ၏ ပါဝင်ပတ်သက်မှုများမှ ကင်းဝေးစေပြီး အချိန်နှင့် စရိတ်စကများ သက်သာစေရန် ရည်ရွယ်၍ ၂၀၂၆ ခုနှစ်၊ ဩဂုတ်လ ၁၅ ရက်နေ့မှစ၍ Website မှတစ်ဆင့် ရုံးချုပ်သို့ လျှောက်ထား နိုင်မည်ဖြစ်ပါသည်။
လျှပ်စစ်ဓာတ်အားကို စတင်ထုတ်လုပ်သည်မှ ပြည်သူများလက်ဝယ်သို့ ရောက်ရှိလာသည်အထိ နိုင်ငံတော်မှ မတည်ရင်းနှီးထားရသည့် လျှပ်စစ်ဓာတ်အားဆိုင်ရာ အခြေခံအဆောက်အဦများကို စဉ်ဆက်မပြတ် မွမ်းမံထိန်းသိမ်းခြင်း၊ တိုးတက်ပြောင်းလဲလာသည့် နည်းပညာများနှင့်အညီ အဆင့်မြှင့်တင်ခြင်းတို့ ပြုလုပ်နိုင်မှသာ ပြည်သူများအနေဖြင့် လျှပ်စစ်ဓာတ်အားကို အရည် အသွေးပြည့်မီစွာ အသုံးပြုနိုင်မည်ဖြစ်ရာ ယင်းသို့ဆောင်ရွက်နိုင်ရန်လိုအပ်သော ထိုက်သင့်သည့် အခကြေးငွေများကိုသာ ပေးသွင်းရမည်ဖြစ်ပါသည်။
ယင်းသို့ပေးသွင်းရာတွင်လည်း မည်သည့်ငွေကြေးကုန်ကျမှုမှ ထပ်မံမလိုအပ်ဘဲ တရားဝင်သတ်မှတ် ထားသည့် အခကြေးငွေကိုသာ သတ်မှတ်ပေးသည့် Account သို့ Online မှတစ်ဆင့် ငွေပေးသွင်း ရမည်ဖြစ်ပါသည်။
သို့ဖြစ်ပါ၍ မီတာတပ်ဆင်လိုသူ မိဘပြည်သူများအနေဖြင့် www.moee.gov.mm သို့ ဝင်ရောက်၍ လျှောက်ထားနိုင်ပါကြောင်းနှင့် ယင်းသို့လျှောက်ထားရာတွင် လျှပ်စစ်နှင့်စွမ်းအင်ဝန်ကြီးဌာန၏ သတ်မှတ်ချက်များနှင့်ကိုက်ညီပါက အမြန်ဆုံး မီတာတပ်ဆင်ပေးသွားမည်ဖြစ်ကြောင်း အသိပေး ကြေညာအပ်ပါသည်။

လျှပ်စစ်နှင့်စွမ်းအင်ဝန်ကြီးဌာန

30-Jul-2026

« PREV NEXT »

The Republic of the union of myanmar

Ministry Of Electricity And Energy

Total visitors

လျှပ်စစ်မီတာအသစ်များကို Website မှ လျှောက်ထားနိုင်ကြောင်း အသိပေးကြေညာခြင်း

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

နေရောင်ခြည်စွမ်းအင်ဆိုင်ရာ အလုပ်ရုံဆွေးနွေးပွဲ ကျင်းပပြုလုပ်

Electricity And Energy

Total visitors