The Republic of the union of myanmar

MINISTRY OF ELECTRIC POWER

Breaking News :
    (၂၃.၄.၂၀၂၄) ရက်နေ့ လျှပ်စစ်ဓာတ်အားထုတ်လုပ်မှုအမြင့်ဆုံးမှာ (၂၉၂၈.၃) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၅၉၄၀၃.၄)မဂ္ဂါဝပ်နာရီဖြစ်ပါသည်။    

ကူညီ ဝေမျှ ပညာရ
MOEP နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moep.gov.mm

Total visitors

8220K+

သတင်းထုတ်ပြန်ချက်

 

နေပြည်တော်၊ ၂၀၂၃ ခုနှစ် ၊ မေလ (  ၂၀  ) ရက်

   လျှပ်စစ်စွမ်းအားဝန်ကြီးဌာန ဒုတိယဝန်ကြီး ဦအေးကျော်သည်  ဌာနဆိုင်ရာ တာဝန်ရှိသူများနှင့်အတူ ၂၀၂၃ ခုနှစ်၊ မေလ(၁၉)ရက်နေ့တွင် စစ်တွေမြို့၌ သဘာဝဘေး အန္တရာယ် မိုခါမုန်တိုင်းကြောင့် ပျက်စီးခဲ့မှုများမှ  ဓာတ်အားအမြန်ဆုံးပို့လွှတ်ဖြန့်ဖြူးနိုင်ရေး ဓာတ်အားခွဲရုံများ၊ ဓာတ်အားပို့လွှတ်ရေးလိုင်းများနှင့် မြို့တွင်းဓာတ်အားဖြန့်ဖြူးရေး လိုင်းများ ပြန်လည်ပြင်ဆင် တည်ဆောက်ခြင်းလုပ်ငန်းများ ဆောင်ရွက်နေမှုအခြေအနေတို့အား လှည့်လည်ကြည့်ရှုစစ်ဆေးခဲ့ပါသည်။

   ရှေးဦးစွာ ဒုတိယဝန်ကြီးသည်  စစ်တွေမြို့ ပြည်နယ်အစိုးရအဖွဲ့ဧည့်ရိပ်သာမှ မေယု လမ်းမကြီးတစ်လျှောက်နှင့် ကမ်းနားလမ်း ဆေးရုံကြီးအနီး မြို့တွင်းဖြန့်ဖြူးရေး ဓာတ်အား လိုင်းများ ပြုပြင်ဆောင်ရွက်နေမှုများအား ကွင်းဆင်းကြည့်ရှုစစ်ဆေးကာ စစ်တွေမြို့ ၆၆/၁၁ ကေဗွီ ဓာတ်အားခွဲရုံအမှတ်(၁)သို့ သွားရောက်၍ Switch Yard နှင့် Control Room အခြေအနေများ၊ ဝန်ထမ်းအိမ်ရာပျက်စီးမှုအခြေအနေများ၊ နေပြည်တော်စတိုနှင့် မကွေးတိုင်း ဒေသကြီးမှ သယ်ဆောင်လာသော ဓာတ်အားလိုင်းဆက်စပ်ပစ္စည်းများ ရောက်ရှိမှုတို့အား သွားရောက်ကြည့်ရှုစစ်ဆေးခဲ့ပါသည်။

   ထို့နောက် ဒုတိယဝန်ကြီးသည် စစ်တွေမြို့ ၆၆/၁၁ ကေဗွီ ဆတ်ရိုးကျ ဓာတ်အားခွဲရုံသို့ သွားရောက်၍ Switch Yard အတွင်းရှိ ဓာတ်အားခွဲရုံဆက်စပ်ပစ္စည်းများ ပျက်စီးမှုနှင့် နေပြည်တော်စတိုမှ သယ်ဆောင်လာသော ဓာတ်အားလိုင်းဆက်စပ်ပစ္စည်းများ ရောက်ရှိမှု အခြေအနေများအား ကြည့်ရှုစစ်ဆေးခဲ့ပါသည်။  

   ၎င်းနောက် ဒုတိယဝန်ကြီးသည် စစ်တွေမြို့သို့ ဓာတ်အားပို့လွှတ်ဖြန့်ဖြူးပေးလျက်ရှိသည့် ၆၆ ကေဗွီ ဓာတ်အားလိုင်းရှိ ပြိုကျပျက်စီးနေသည့် တာဝါတိုင်များအား ဖြုတ်သိမ်းခြင်းနှင့် ပြန်လည်ပြုပြင်တပ်ဆင်ခြင်းလုပ်ငန်းများ ဆောင်ရွက်နေမှုအခြေအနေအား ကြည့်ရှုစစ်ဆေး ခဲ့ပါသည်။

   လျှပ်စစ်စွမ်းအားဝန်ကြီးဌာနအနေဖြင့် ရခိုင်ပြည်နယ်အတွင်း လျှပ်စစ်ဓာတ်အား အမြန်ဆုံး ပြန်လည်ရရှိရေးလုပ်ငန်းများအား စီမံဆောင်ရွက်လျက်ရှိရာ ပြိုလဲပျက်စီးသွားခဲ့သည့် ၂၃၀ ကေဗွီ အမ်း-မြောက်ဦး-ပုဏ္ဏားကျွန်း မဟာဓာတ်အားလိုင်းမှ ဓာတ်အားပို့လွတ်ရေးတာဝါတိုင်(၁၄)တိုင် ပြန်လည်ပြုပြင်တည်ဆောက်ခြင်းလုပ်ငန်းများအား လျှပ်စစ်ဓာတ်အားပို့လွှတ်ရေးနှင့် ကွပ်ကဲရေး ဦးစီးဌာနမှ ကျွမ်းကျင်ဝန်ထမ်းများဖြင့် အဖွဲ့များဖြန့်ခွဲ၍လည်းကောင်း၊ မြို့တွင်းဓာတ်အားဖြန့်ဖြူးရေး လိုင်းများမှ အမြန်ဆုံးဓာတ်အားပြန်လည်ဖြန့်ဖြူးပေးနိုင်ရေး တိုင်းဒေသကြီးနှင့်ပြည်နယ်များမှ ရောက်ရှိလာသည့် ကျွမ်းကျင်ဝန်ထမ်းများဖြင့် အဖွဲ့များဖြန့်ခွဲ၍လည်းကောင်း အရှိန်အဟုန်ဖြင့် ဝိုင်းဝန်းကြိုးပမ်း ဆောင်ရွက်လျက်ရှိပါသည်။ ထို့အပြင် ပြင်ဆင်ခြင်းလုပ်ငန်းများအား  အချိန်မီ ပြုပြင်ပြင်ဆင်နိုင်ရန်အတွက် ကရိန်းယာဉ်များ၊ လုပ်ငန်းသုံးယာဉ်များ၊ ဓာတ်အားလိုင်းနှင့် ဓာတ်အားခွဲရုံသုံး ဆက်စပ်ပစ္စည်းများအား ရေယာဉ်၊ မော်တော်ယာဉ်အသီးသီးတို့ဖြင့် ပို့ဆောင် ပေးလျက်ရှိကြောင်း သတင်းရရှိပါသည်။

Post under by : ဝန်ကြီးရုံး
20-May-2023
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electric Power

  • www.moep.gov.mm
  • Nay Pyi Taw, Myanmar.
  • 0673410072, 0673410487, 0673410483
www.moep.gov.mm

Total visitors

8220K+
© by MOEP. Powered by Next Hop Co.,Ltd.