The Republic of the union of myanmar

MINISTRY OF ELECTRIC POWER

Breaking News :
    (၂၈.၁၁.၂၀၂၅) ရက်နေ့ လျှပ်စစ်ဓာတ်အား စုစုပေါင်းထုတ်လုပ်ခဲ့မှုမှာ (၅၈၆၇၅.၇)မဂ္ဂါဝပ်နာရီဖြစ်ပါသည်။    

ကူညီ ဝေမျှ ပညာရ
MOEP နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
android apk
www.moep.gov.mm

Total visitors

13543K+

လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးဉာဏ်ထွန်း ရန်ကုန်တိုင်းဒေသကြီး၊ ကျောက်တန်းမြို့နယ်ရှိ သီလဝါဆိပ်ကမ်း တွင် သဘာဝဓာတ်ငွေ့ရည် သိုလှောင်သင်္ဘော (Floating Storage Unit – FSU) ဆိုက်ကပ်ထားမှု၊ သန်လျင် ၂၀၀ မဂ္ဂါဝပ် ဓာတ်အားပေးစက်ရုံနှင့် သာကေတ ၃၀၀ မဂ္ဂါဝပ် ဓာတ်အားပေးစက်ရုံတို့မှ ဓာတ်အားပေးစက်များ စမ်းသပ်မောင်းနှင်နေမှု အခြေအနေများအား ကြည့်ရှုစစ်ဆေးသည့်သတင်း

၂၀၂၅ ခုနှစ်၊ နိုဝင်ဘာလ ၂၉ ရက်

   လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးဉာဏ်ထွန်းသည် ရန်ကုန်လျှပ်စစ် ဓာတ်အားပေးရေးကော်ပိုရေးရှင်း ဥက္ကဋ္ဌနှင့်  ဌာနဆိုင်ရာတာဝန်ရှိသူများ လိုက်ပါလျက် ယနေ့ နံနက်ပိုင်းတွင် ပြည်သူလူထုနှင့် စက်မှုဇုန်များ၏ လျှပ်စစ်ဓာတ်အား လိုအပ်ချက်ကို ပိုမိုထုတ်လုပ် ဖြည့်ဆည်းပေးနိုင်ရန်အတွက် စီမံဆောင်ရွက်နေသော ကျောက်တန်းမြို့နယ်ရှိ သီလဝါဆိပ်ကမ်းတွင် ဆိုက်ကပ်ထားသည့် သဘာဝဓာတ်ငွေ့ရည် သိုလှောင်သင်္ဘော (Floating Storage Unit – FSU)၊ သဘာဝဓာတ်ငွေ့ရည်အား ဓာတ်ငွေ့ပြန်လည်ပြုလုပ်သောစက်ရုံ (Regasification Unit) နှင့် သန်လျင် ၂၀၀ မဂ္ဂါဝပ် ဓာတ်အားပေးစက်ရုံ၊ သာကေတမြို့နယ်ရှိ သာကေတ ၃၀၀ မဂ္ဂါဝပ် ဓာတ်အားပေးစက်ရုံတို့မှ ဓာတ်အားစမ်းသပ်မောင်းနှင်နေမှု အခြေ အနေများအား သွား‌ရောက် ကြည့်ရှုစစ်ဆေးခဲ့ပါသည်။

   ဦးစွာ ပြည်ထောင်စုဝန်ကြီးနှင့် အဖွဲ့သည် သီလဝါဆိပ်ကမ်းရှိ သန်လျင် ၂၀၀ မဂ္ဂါဝပ် ဓာတ်အားပေးစက်ရုံသို့ ရောက်ရှိရာ စက်ရုံအစည်းအဝေးခန်းမတွင် The Consortium of Everest Energy Solution Ltd. and CNTIC Vpower Group Holdings Ltd. မှ တာဝန်ရှိသူများက သန်လျင် ၂၀၀ မဂ္ဂါဝပ်နှင့် သာကေတ ၃၀၀ မဂ္ဂါဝပ် ဓာတ်အားပေးစက်ရုံ စီမံကိန်းများ အကောင်အထည်ဖော် ဆောင်ရွက်နေမှုအခြေအနေ၊ သဘာဝဓာတ်ငွေ့ရည် (Liquefied Natural Gas – LNG) အား FSU တွင် သိုလှောင်ထားရှိမှုအခြေအနေ၊ LNG အား ဓာတ်ငွေ့သို့ ပြောင်းလဲမှု လုပ်ငန်းစဉ်များနှင့် ဓာတ်အားပေးစက်များ စမ်းသပ်မောင်းနှင်နေမှု အခြေအနေတို့ကို ရှင်းလင်း တင်ပြခဲ့ပြီး လျှပ်စစ်ဓာတ်အားထုတ်လုပ်ရေးလုပ်ငန်း ဦးဆောင်ညွှန်ကြားရေးမှူးက လိုအပ်သည် များကို ဖြည့်စွက်ရှင်းလင်းတင်ပြရာ ပြည်ထောင်စုဝန်ကြီးမှ သတ်မှတ်ရက်များအတိုင်း ဓာတ်အား ပေးစက်ရုံများမှ သတ်မှတ်ဓာတ်အားပမာဏ ပြည့်မီအောင်ထုတ်လုပ်နိုင်ရေး ကြိုးစားဆောင်ရွက်ရန်၊ LNG သည် စျေးနှုန်းကြီးမြင့်သော စွမ်းအင်အရင်းအမြစ်ဖြစ်သည့်အတွက် လေလွင့်မှု နည်းပါးစေရန် ဓာတ်အားပေးစက်များ စဉ်ဆက်မပြတ် မောင်းနှင်နိုင်ရေးနှင့် စက်စွမ်းရည် ကောင်းမွန်စေရေး အလေးထားဆောင်ရွက်ကြရန်၊ စီမံကိန်းအကောင်အထည်ဖော်ဆောင်ရွက်ရာတွင် အခက်အခဲများ လိုအပ်ချက်များရှိပါက အချိန်မီတင်ပြသွားရန် မှာကြားခဲ့ပြီး ဓာတ်အားပေးစက်များ စမ်းသပ် မောင်းနှင်နေမှု အခြေအနေအား ကြည့်ရှုစစ်ဆေးခဲ့ပါသည်။

   ဆက်လက်၍ ပြည်ထောင်စုဝန်ကြီးနှင့် အဖွဲ့သည် သီလဝါဆိပ်ကမ်း MCV ဆိပ်ခံ တံတား(Jetty)ပေါ်သို့ သွားရောက်၍ FSU ဆိုက်ကပ်ထားရှိမှုအခြေအနေ၊ FSU တွင် သိုလှောင် ထားသော LNG  ဓာတ်ငွေ့ရည်အား ပိုက်လိုင်းများဖြင့် ဓာတ်ငွေ့ပြန်လည်ပြုလုပ်သောစက်ရုံ (Regasification Unit)သို့ ပေးပို့နေမှုအခြေအနေနှင့် LNG အား သဘာဝဓာတ်ငွေ့ပြန်လည် ပြုလုပ် နေမှုအခြေအနေတို့ကို ကြည့်ရှုစစ်ဆေးခဲ့ပါသည်။

   ထို့နောက် ပြည်ထောင်စုဝန်ကြီးနှင့် အဖွဲ့သည် သာကေတ ၃၀၀ မဂ္ဂါဝပ် ဓာတ်အားပေး စက်ရုံသို့ ရောက်ရှိရာ ဓာတ်အားထိန်းချုပ်ခန်းအတွင်း ဓာတ်အားပေးစက်များ စမ်းသပ်မောင်းနှင် လည်ပတ်နေမှုအား ကြည့်ရှုစစ်ဆေးပြီးနောက် ဓာတ်အားပေးစက်ရုံဝင်းအတွင်း ဓာတ်အားပေး စက်များစမ်းသပ်မောင်းနှင်နေမှု အခြေအနေတို့ကို ကြည့်ရှုစစ်ဆေးခဲ့ပါသည်။

   သာကေတနှင့် သန်လျင် LNG သုံး ဓာတ်အားပေးစက်ရုံများ လည်ပတ်မောင်းနှင်နိုင်ရန် အတွက် LNG သိုလှောင်မည့်သင်္ဘော FSU သည် နိုဝင်ဘာလ ၁၅ ရက်တွင် သီလဝါဆိပ်ကမ်းရှိ MCV ဆိပ်ခံတံတားသို့ ရောက်ရှိဆိုက်ကပ်ခြင်း၊  ပြည်ပမှ LNG တင်သွင်းလာသည့် ပထမဆုံး LNG သင်္ဘောသည် နိုဝင်ဘာလ ၁၉ ရက်တွင် FSU ဘေးတွင် ရောက်ရှိဆိုက်ကပ်ခြင်း၊ FSU ပေါ်သို့ LNG ဖြည့်တင်းပေးခြင်း၊ သဘာဝဓာတ်ငွေ့အရည်အား ဓာတ်ငွေ့ပြန်လည်ပြုလုပ်သောစက်ရုံ (Regasification Unit) ကို စမ်းသပ်မောင်းနှင်ခြင်းများအား  နိုဝင်ဘာလ ၂၆ ရက်တွင် ဆောင်ရွက် ပြီးစီးခဲ့သဖြင့် ယခုအခါ ဓာတ်အားပေးစက်များကို ဆက်လက်စမ်းသပ်မောင်းနှင်လျက်ရှိပါသည်။ အဆိုပါစီမံကိန်းများမှ ၂၀၂၅ ခုနှစ် ဒီဇင်ဘာလအတွင်း ကနဦးဓာတ်အားပမာဏ ၁၀၀ မဂ္ဂါဝပ် မှ ၂၀၀ မဂ္ဂါဝပ်အထိ ထုတ်လုပ်နိုင်ရေး ကြိုပမ်းဆောင်ရွက်လျက်ရှိပြီး စုစုပေါင်းဓာတ်အားပမာဏ ၅၀၀ မဂ္ဂါဝပ်အထိ တိုးမြှင့်ထုတ်လုပ်သွားမည်ဖြစ်ပြီး ပြည်သူလူထုနှင့် စက်မှုဇုန်များ၏ လျှပ်စစ် ဓာတ်အားလိုအပ်ချက်ကို ပိုမိုထုတ်လုပ် ဖြည့်ဆည်းပေးနိုင်ရေး စီမံဆောင်ရွက်လျက်ရှိပါသည်။

   ပြည်ထောင်စုဝန်ကြီးသည် နိုဝင်ဘာလ ၂၈ ရက် ည​နေပိုင်းတွင် ရွှေပြည်သာမြို့နယ်သို့ ရောက်ရှိရာ အမှတ်(၄)လမ်းမကြီး အဆင့်မြှင့်တင်တိုးချဲ့ခြင်းလုပ်ငန်းများ ဆောင်ရွက်ရာတွင် ဒညင်းဂုံးလမ်းဆုံ မီးရထားသံလမ်းထိပ်မှ လှော်ကားတာဆုံအထိ လမ်းနယ်နှင့် မလွတ်ကင်းသော ၆၆ ကေဗွီ ၊ ၃၃ ကေဗွီ ၊ ၁၁ ကေဗွီနှင့် ၄၀၀ ဗို့ ဓာတ်အားလိုင်းများအား လမ်းမကြီးနှင့် လွတ်ကင်း ရာသို့ ပြောင်းရွှေ့တည်ဆောက်ခြင်း၊ ဓာတ်အားလိုင်းတိုင်များ အသစ်စိုက်ထူခြင်း၊ ကြိုးဆွဲခြင်း လုပ်ငန်းများ ဆောင်ရွက်ခြင်းနှင့် ဓာတ်အားလိုင်းဟောင်း ဖြုတ်သိမ်းခြင်းလုပ်ငန်းများ ဆောင်ရွက် နေမှုအခြေအနေတို့ကို လိုက်လံကြည့်ရှုစစ်ဆေးခဲ့ပြီး ဓာတ်အားလိုင်းများ ဖြုတ်သိမ်းခြင်းနှင့် ရွှေ့ပြောင်းတည်ဆောက်ခြင်းလုပ်ငန်းများအား သတ်မှတ်ချိန်အတွင်း အချိန်မီပြီးစီးနိုင်ရေး စနစ် တကျ ဆောင်ရွက်သွားရန်၊ ဝန်ထမ်းများ အန္တရာယ်ကင်းရှင်းစွာ ဆောင်ရွက်နိုင်ရေးနှင့်  လုပ်ငန်းခွင် ဘေးအန္တရာယ်ကင်းရှင်းရေး အဆင့်ဆင့် ကြပ်မတ်၍ ဂရုပြုဆောင်ရွက်သွားရန်၊ လုပ်ငန်းခွင်သုံး ပစ္စည်းများ စံချိန်စံညွှန်းပြည့်မီစေရေးနှင့် လေလွင့်ဆုံးရှုံးမှု မရှိစေရေး အလေးထားဆောင်ရွက် သွားရန်၊ ဓာတ်အားလိုင်းအဟောင်း ပြန်လည်ဖြုတ်သိမ်းခြင်းမှ ဆယ်တင်ပစ္စည်းများအား စနစ်တကျ စာရင်းပြုစုသိမ်းဆည်းထားရှိရန် မှာကြားခဲ့ပြီး လိုအပ်သည်များ ဖြည့်ဆည်းဆောင်ရွက်ပေးခဲ့ကြောင်း သတင်းရရှိပါသည်။      

Post under by : ဝန်ကြီးရုံး
29-Nov-2025
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electric Power

  • www.moep.gov.mm
  • Nay Pyi Taw, Myanmar.
  • 0673410072, 0673410487, 0673410483
www.moep.gov.mm

Total visitors

13543K+
© by MOEP. Powered by Next Hop Co.,Ltd.