MOEP

သတင်းထုတ်ပြန်ချက်

နေပြည်တော်၊ ၂၀၂၂ ခုနှစ်၊ အောက်တိုဘာလ ( ၂၅ ) ရက်

(သဘာဝအလျောက် ပေါကြွယ်ဝလျက်ရှိသည့် ရေရင်းမြစ်များအား အကျိုးရှိရှိ ထုတ်ယူ၍ နိုင်ငံတော်နှင့် ပြည်သူများ ရေရှည်ဖွံ့ဖြိုးမှု ရရှိနိုင်ရေး အလေးပေးဆောင်ရွက်)

သဘာဝအလျောက် ပေါကြွယ်ဝလျက်ရှိသည့် ရေရင်းမြစ်များအား အကျိုးရှိရှိ ထုတ်ယူ၍ နိုင်ငံတော်နှင့် ပြည်သူများ ရေရှည်စဉ်ဆက်မပြတ် ဖွံ့ဖြိုးတိုးတက်မှု ရရှိနိုင်ရေး အလေးပေး ဆောင်ရွက်ရမည်ဖြစ်ကြောင်း၊ ရေအားလျှပ်စစ်စက်ရုံများသည် လျှပ်စစ် ဓာတ်အားထုတ်လုပ်စရိတ် အသက်သာဆုံးဖြစ်၍ Generation Mix အတွင်း Reliable Backbone ဖြစ်ခြင်း၊ စက်ရုံသက်တမ်းကြာရှည်ခြင်း၊ စိုက်ပျိုးရေ ပေးဝေနိုင်ခြင်း၊ ရေကြီးရေလျှံမှုများမှ ကာကွယ်ပေးနိုင်ခြင်း၊ သောက်သုံးရေရရှိစေခြင်း၊ ရေစီမံထိန်းသိမ်း အသုံးချနိုင်ခြင်းစသည့် အကျိုးကျေးဇူးများ ရရှိစေနိုင်ကြောင်း လျှပ်စစ်စွမ်းအားဝန်ကြီးဌာန ဒုတိယဝန်ကြီး ဒေါက်တာအောင်ဇေယျက ပြောကြားသည်။

ယခုလ ၂၅ ရက်နေ့ မွန်းလွဲပိုင်း၌ မြို့ကြီးရေအားလျှပ်စစ်ဓာတ်အားပေးစက်ရုံသို့ ဌာနဆိုင်ရာ တာဝန်ရှိသူများနှင့်အတူ ကြည့်ရှုစစ်ဆေးစဉ် ဒုတိယဝန်ကြီးက ထိုကဲ့သို့ ထည့်သွင်းပြောကြားခဲ့ခြင်းဖြစ်သည်။

ဒုတိယဝန်ကြီးနှင့်အဖွဲ့ကို မြို့ကြီးရေအားလျှပ်စစ်ဓာတ်အားပေးစက်ရုံ၊ စက်ရုံမှူး ဦးစိုးလှိုင်နှင့် တာဝန်ရှိသူများက နိုင်ငံတော်ဓာတ်အားကွန်ရက်စနစ်နှင့် ချိတ်ဆက်မှု အခြေအနေ၊ ရေဝင်ရောက်မှုနှင့် သိုလှောင်မှု အခြေအနေ၊ ကျောက်ဆည်မြို့နယ်ရှိ ဇော်ဂျီဆည်ရေသောက် ဧရိယာများသို့ စိုက်ပျိုးရေ ပေးဝေနေမှုများ၊ ရေထိန်းသိမ်း ကာလများတွင် ဓာတ်အားပေးစက်များ ပုံမှန်ထိန်းသိမ်းပြုပြင်မှုအခြေအနေ၊ စက်ရုံမှ ဓာတ်အားကို ဓာတ်အားစနစ်သို့ ပို့လွှတ်ခြင်းအပြင် အနီးဝန်းကျင် ကျေးရွာ ၅ ရွာသို့ ၃၃ ကေဗွီ လျှပ်စစ်ဓာတ်အားဖြန့်ဖြူးရေးခွဲရုံမှတစ်ဆင့် ၁၁ ကေဗွီ ဓာတ်အားလိုင်းများဖြင့် ဖြန့်ဖြူးပေးနေမှုအခြေအနေများအား ရှင်းလင်းတင်ပြပြီး လျှပ်စစ်ဓာတ်အားထုတ်လုပ်ရေး လုပ်ငန်းမှ အင်ဂျင်နီယာချုပ် ဦးညီညီထွန်းက ဖြည့်စွက်ရှင်းလင်းတင်ပြသည်။

တင်ပြမှုများအပေါ် ဒုတိယဝန်ကြီး ဒေါက်တာအောင်ဇေယျက နွေရာသီကာလ ဓာတ်အားပေးနိုင်ရေးအတွက် စိုက်ပျိုးရေ လိုအပ်ချက်နှင့် ညှိနှိုင်း၍ ဓာတ်အားပေးစက် များအား မောင်းနှင်ပြီး စက်ရုံ ရေရှည်တည်တံ့ခိုင်မြဲရေး အစဉ်မပြတ်ပြုပြင်ထိန်းသိမ်းရန်၊ တာဘိုင်နှင့်ဂျင်နရေတာစက်များ၊ Water Inlet Butterfly Valve များ၊ Transformer ၊ Switchgear နှင့် Control Panel များအား ပုံမှန်ပြုပြင် ထိန်းသိမ်းသွားရန်၊ လုံခြုံရေး အသိ၊ သတိရှိစွာ ဆောင်ရွက်ကြရန်၊ ကိုဗစ်-၁၉ ရောဂါ စည်းကမ်းချက်များနှင့်အညီ လုပ်ငန်းများ ဆောင်ရွက်ရန်၊ စက်ရုံနှင့် ဝန်ထမ်းအိမ်ရာများ သန့်ရှင်းသာယာလှပရေး ကြိုးပမ်း ဆောင်ရွက်ရန်၊ ဝန်ထမ်းများ မိသားစုသဖွယ် ရင်းနှီးပြေလည်စွာ လုပ်ငန်းများ အောင်မြင်အောင် ပူးပေါင်းဆောင်ရွက်ရန်နှင့် စက်ရုံ တိုးတက်မှု အစဉ်ရှေ့ရှု၍ ကြိုးပမ်း ဆောင်ရွက်ရန် လိုအပ်ကြောင်း တိုက်တွန်းမှာကြားပြီး ဝန်ထမ်းများအား ဂုဏ်ပြု သစ်သီးခြင်းနှင့် ချီးမြှင့်ငွေများ ပေးအပ်သည်။ ဆက်လက်၍ ဒုတိယဝန်ကြီးနှင့်အဖွဲ့သည် Cooling System ပြုပြင်ထိန်းသိမ်းနေမှု၊ ဂျင်နရေတာနှင့် တာဘိုင်စက်များ လည်ပတ်နေမှု အခြေအနေများ၊ ထိန်းချုပ်ခန်းနှင့် စက်ရုံတွင်း ကြည့်ရှုစစ်ဆေးရာ တာဝန်ရှိသူများက ရှင်းလင်းတင်ပြပြိီး ဒုတိယဝန်ကြီးက လိုအပ်သည်များအား လမ်းညွှန်မှာကြားသည်။

အဆိုပါ မြို့ကြီးရေအားလျှပ်စစ်ဓာတ်အားပေးစက်ရုံသည် ရှမ်းပြည်နယ် (တောင်ပိုင်း)၊ တောင်ကြီးခရိုင်၊ ရွာငံမြို့၏ အနောက်မြာက်ဘက် ၃၁ မိုင်ခန့်အကွာ မြို့ကြီးကျေးရွာအနီး ဇော်ဂျီမြစ်ပေါ်တွင် တည်ဆောက်ထားပြီး ရေလှောင်တမံမှာ မြေသားတမံ ဇုန် အမျိုးအစား ဖြစ်၍ ကန်ရေပြည့် ရေသိုလှောင်ပမာဏမှာ ၃၅၉၅၅၀ ဧကပေ သိုလှောင်နိုင်ပြီး နှစ်စဉ်စီးဝင်ရေ ၃၇၃၄၂၀ ဧကပေ စီးဝင်ကာ စိုက်ပျိုးရေပေးဝေသော စိုက်ဧက ၉၅၀၀၀ ဧကသို့ ရေပေးဝေလျက် တပ်ဆင်အင်အားအနေဖြင့် ၁၅ မဂ္ဂါဝပ်၊ ဓာတ်အားပေးစက် ၂ လုံး၊ ၃၀ မဂ္ဂါဝပ်မှ ၃၃ ကေဗွီ ၂ ထပ် ဓာတ်အားလိုင်း ၁၀.၈ မိုင်ဖြင့် ၁၃၂ ကေဗွီ တောင်တော်ကွင်းခွဲရုံသို့ ချိတ်ဆက်ကာ နိုင်ငံတော်ဓာတ်အားကွန်ရက်စနစ်အတွင်းသို့ တစ်နှစ်လျှင် ပျမ်းမျှလျှပ်စစ်ဓာတ်အား ၁၃၅.၇ ကီလိုဝပ်နာရီသန်းခန့် ထုတ်လုပ်ပေး လျက်ရှိကြောင်း သိရသည်။

Post under by : ဝန်ကြီးရုံး
29-Oct-2022

« PREV NEXT »

The Republic of the union of myanmar

MINISTRY OF ELECTRIC POWER

Total visitors

သတင်းထုတ်ပြန်ချက်

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

သတင်းထုတ်ပြန်ချက်

သတင်းထုတ်ပြန်ချက်

သတင်းထုတ်ပြန်ချက်

Electric Power

Total visitors