The Republic of the union of myanmar

MINISTRY OF ELECTRIC POWER

Breaking News :
    (၅.၆.၂၀၂၅) ရက်နေ့ လျှပ်စစ်ဓာတ်အား စုစုပေါင်းထုတ်လုပ်ခဲ့မှုမှာ (၆၁၂၉၀.၄)မဂ္ဂါဝပ်နာရီဖြစ်ပါသည်။    

ကူညီ ဝေမျှ ပညာရ
MOEP နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moep.gov.mm

Total visitors

11782K+

သတင်းထုတ်ပြန်ချက်

 ၂၀၂၃ ခုနှစ်  ဇူလိုင်လ  ၅  ရက်

   လျှပ်စစ်စွမ်းအားဝန်ကြီးဌာနအနေဖြင့် ရခိုင်ပြည်နယ် မြောက်ပိုင်းဒေသများအတွင်းရှိ မိုခါမုန်တိုင်းဒဏ်ကြောင့် ပျက်စီးသွားသည့် ဓာတ်အားလိုင်းနှင့် ဓာတ်အားခွဲရုံများ ပြန်လည်ပြုပြင် ခြင်းလုပ်ငန်းကို အရှိန်အဟုန်ဖြင့် အားသွန်ခွန်စိုက် ကြိုးပမ်းဆောင်ရွက်လျက်ရှိရာ စစ်တွေမြို့၊ ပုဏ္ဏားကျွန်းမြို့၊ ကျောက်တော်မြို့၊ မြောက်ဦးမြို့၊ မင်းပြားမြို့နှင့် မြေပုံမြို့ရှိ မြို့ပေါ်ရပ်ကွက်များ နှင့် ကျေးရွာအချို့အား (၇.၆.၂၀၂၃)ရက်၊ (၁၈.၆.၂၀၂၃)ရက်နှင့် (၂၃.၆.၂၀၂၃)ရက်နေ့စသည့်  အသီးသီး ရက်များတို့တွင် ဓာတ်အားစနစ်မှ ဓာတ်အားပြန်လည်ဖြန့်ဖြူးပေးနိုင်ခဲ့ပြီးဖြစ်ပါသည်။

   ဆက်လက်၍ ကျန်ရှိနေသောမြို့များနှင့် ကျေးရွာများအား ဖြန့်ဖြူးပေးနိုင်ရေး ဆောင်ရွက်ရန်   ၆၆ ကေဗွီ ပုဏ္ဏားကျွန်း-ရသေ့တောင်ဓာတ်အားလိုင်းနှင့် ၃၃ကေဗွီ မင်းပြား-ပေါက်တောဓာတ်အားလိုင်း ပြန်လည်ပြုပြင် တည်ဆောက်ခြင်းလုပ်ငန်း   ရာနှုန်းပြည့်ပြီးစီးပြီ ဖြစ်ပါသဖြင့် (၅.၇.၂၀၂၃) ရက်နေ့ ၊ (၁၄:၂၅) နာရီအချိန်တွင် ရသေ့တောင်မြို့ရှိ ၆၆/၁၁ ကေဗွီ ၊ ၅ အမ်ဗွီအေ ရသေ့တောင် ဓာတ်အားခွဲရုံ၏ ၁၁ကေဗွီ ဖီဒါ (၃) ဖီဒါမှ ၁၁/၀.၄ ကေဗွီ ဖြန့်ဖြူးရေးထရန်စဖော်မာ ( ၂၀ ) လုံးဖြင့် ရသေ့တောင် မြို့ပေါ် ရပ်ကွက် (၄) ရပ်ကွက်နှင့် ကျေးရွာ(၁)ရွာရှိ မီးသုံးသူ (၂၀၉၇)ဦးတို့အားလည်းကောင်း ၊  (၁၈ :၂၇) နာရီ အချိန်တွင် ‌ပေါက်တောမြို့ရှိ ၃၃/၁၁ကေဗွီ ၊ ၅ အမ်ဗွီအေ ပေါက်တောဓာတ်အားခွဲရုံ ၏ ၁၁ကေဗွီ ဖီဒါ ( ၂ ) ဖီဒါမှ ၁၁/၀.၄ ကေဗွီ ဖြန့်ဖြူးရေးထရန်စဖော်မာ ( ၂၂ ) လုံးဖြင့် ပေါက်တောမြို့ပေါ်ရပ်ကွက်    (၅)ရပ်ကွက်ရှိ မီးသုံးသူ(၂၂၄၈)ဦး တို့အားလည်းကောင်း ဓာတ်အားစနစ်မှ အသီးသီး ဓာတ်အားပြန် လည်ဖြန့်ဖြူးပေးထားပြီး ဖြစ်ပါ သည်။

   ယခုအခါ ရခိုင်ပြည်နယ် မြောက်ပိုင်းဒေသများအတွင်းရှိ မိုခါမုန်တိုင်းဒဏ်ကြောင့် ဓာတ်အားလိုင်း ၊ ဓာတ်အားခွဲရုံနှင့်ဆက်စပ်ပစ္စည်းများ ပျက်စီးသွားသည့် မြို့နယ်(၁၀)မြို့နယ် အနက် (၈)မြို့နယ်အား ဓာတ်အားစနစ်မှ ဓာတ်အားပြန်လည် ဖြန့်ဖြူးပေးနိုင်ခဲ့ပြီးဖြစ်ပါကြောင်းနှင့် ကျန်ရှိသည့်မြို့နယ်(၂)မြို့နယ်အား အမြန်ဆုံးဓာတ်အား ပြန်လည်ဖြန့်ဖြူးပေးနိုင်ရေး လျှပ်စစ်စွမ်းအားဝန်ကြီးဌာနမှ အင်တိုက်အားတိုက် ကြိုးပမ်းဆောင်ရွက်လျက်ရှိပါကြောင်း သတင်းရရှိပါသည်။

Post under by : ဝန်ကြီးရုံး
05-Jul-2023
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electric Power

  • www.moep.gov.mm
  • Nay Pyi Taw, Myanmar.
  • 0673410072, 0673410487, 0673410483
www.moep.gov.mm

Total visitors

11782K+
© by MOEP. Powered by Next Hop Co.,Ltd.