MOEE

ပြည်သူသို့ပန်ကြားလွှာ

ပဲခူးမြို့၊ (၆၆) ကေဗွီ ပဲခူး အမှတ် (၆) ဓာတ်အားလိုင်းအား ထိန်းသိမ်းပြုပြင်ခြင်းလုပ်ငန်း ဆောင်ရွက်ခြင်းအား အများပြည်သူများ သိရှိနိုင်ပါရန် သတင်းထုတ်ပြန်ခြင်း

ပဲခူးတိုင်းဒေသကြီး၊ ပဲခူးမြို့၊ (၆၆) ကေဗွီ ပဲခူး အမှတ် (၆) ဓာတ်အားလိုင်းကို ဓာတ်အားလိုင်း အပြစ်မဖြစ်ပေါ်စေရေးနှင့် ဓာတ်အားလိုင်းကြံ့ခိုင်ကောင်းမွန်စေရေးအတွက် ၂၀၂၆ ခုနှစ်၊ ဩဂုတ်လ ၂၅ ရက်နေ့ နံနက် (၀၉:၀၀) နာရီမှ (၁၃:၀၀) နာရီအထိ ဓာတ်အားပိတ်၍ ဓာတ်အားလိုင်း စစ်ဆေး ပြုပြင်ခြင်း၊ သစ်ပင်သစ်ကိုင်းခုတ်ထွင်ရှင်းလင်းခြင်း၊ ဓာတ်အားခွဲရုံ Switch Yard များနှင့် Distribution Panel များအား လိုအပ်သည့် ပြုပြင်ထိန်းသိမ်းခြင်းလုပ်ငန်းများ ဆောင်ရွက်သွားမည် ဖြစ်ရာ လုပ်ငန်းများ ဆောင်ရွက်နေချိန်အတွင်း မြို့ပေါ်ရပ်ကွက်များနှင့် ကျေးရွာအချို့တွင် ယာယီ ဓာတ်အား ပြတ်တောက်နေမည်ဖြစ်ကြောင်းနှင့် ဓာတ်အားပြတ်ဧရိယာအတွင်းပါဝင်သည့် ရုံးဌာန များနှင့် စက်ရုံ/အလုပ်ရုံများသို့ ကြိုတင်အကြောင်းကြားထားပြီးဖြစ်ပါကြောင်း လျှပ်စစ်နှင့်စွမ်းအင် ဝန်ကြီးဌာနမှ သတင်းရရှိပါသည်။

: 24-Aug-2026

၂၃၀ ကေဗွီ လှော်ကားပင်မဓာတ်အားခွဲရုံ ပြုပြင်ထိန်းသိမ်းခြင်းလုပ်ငန်းဆောင်ရွက်နိုင်ရန်အတွက် ဓာတ်အားပိတ်မည့် အစီအစဉ်နှင့်စပ်လျဉ်း၍ ပြည်သူသို့ အသိပေးပန်ကြားချက်

လျှပ်စစ်နှင့်စွမ်းအင်ဝန်ကြီးဌာနအနေဖြင့် နိုင်ငံတော်ဓာတ်အားစနစ်အတွင်း ဝန်အားမျှတ တည်ငြိမ်စွာဖြင့် စဉ်ဆက်မပြတ် ဓာတ်အားပို့လွှတ်ဖြန့်ဖြူးနိုင်ရန်အတွက် ပင်မဓာတ်အားခွဲရုံများနှင့် ဓာတ်အားလိုင်းများအား အခါအားလျော်စွာ ထိန်းသိမ်းပြုပြင်ခြင်းနှင့် လိုအပ်ပါက အသစ်တိုးချဲ့ တည်ဆောက်ခြင်းများကို ကြိုးပမ်းအကောင်အထည်ဖော် ဆောင်ရွက်လျက်ရှိရာ ၂၃၀ ကေဗွီ လှော်ကား ပင်မဓာတ်အားခွဲရုံရှိ အပူချိန်မြင့်တက်မှုဖြစ်ပေါ်နေသော ကြားခံလျှပ်ကူးပစ္စည်းအား အစားထိုး လဲလှယ်ခြင်းလုပ်ငန်း ဆောင်ရွက်နိုင်ရန် အဆိုပါခွဲရုံရှိ ပင်မထရန်စဖော်မာ အမှတ် (၂) နှင့် ၃၃ ကေဗွီ ပင်မဖြန့်ဖြူး‌ရေးလိုင်း အမှတ် (၂) တို့ကို ၂၀၂၆ ခုနှစ်၊ သြဂုတ်လ (၂၃) ရက်နေ့၊ (၁၂:၀၀) နာရီမှ (၁၅:၀၀)နာရီအထိ အချိန် (၃)နာရီကြာခန့် ဓာတ်အားပိတ် ဆောင်ရွက်သွားမည်ဖြစ်ရာ ရန်ကုန်တိုင်း ဒေသကြီးအတွင်းရှိ မင်္ဂလာဒုံမြို့နယ်၊ ရွှေပြည်သာမြို့နယ်၊ လှည်းကူးမြို့နယ်နှင့် မှော်ဘီမြို့နယ်တို့ရှိ ရပ်ကွက်နှင့် ကျေးရွာများ၊ စက်မှုဇုန်များ၊ စက်ရုံ/ အလုပ်ရုံများ ဓာတ်အားပြတ်တောက်နေမည် ဖြစ်ပါ၍ ဓာတ်အားပြတ်ဧရိယာများရှိ ဓာတ်အားသုံးစွဲသူ မိဘပြည်သူများအား သက်ဆိုင်ရာ မြို့နယ် လျှပ်စစ်အင်ဂျင်နီယာရုံးများမှတစ်ဆင့် ကြိုတင်အသိပေးထားပြီးဖြစ်ပါကြောင်း လျှပ်စစ်နှင့်စွမ်းအင် ဝန်ကြီးဌာနမှ သတင်းရရှိပါသည်။

: 22-Aug-2026

၂၃၀ ကေဗွီ မော်လမြိုင်ပင်မဓာတ်အားခွဲရုံ၊ ပြုပြင်ထိန်းသိမ်းခြင်းလုပ်ငန်းဆောင်ရွက်နိုင်ရန်အတွက် ဓာတ်အားပိတ်မည့် အစီအစဉ်နှင့်စပ်လျဉ်း၍ ပြည်သူသို့ အသိပေးပန်ကြားချက်

လျှပ်စစ်နှင့်စွမ်းအင်ဝန်ကြီးဌာနအနေဖြင့် နိုင်ငံတော်ဓာတ်အားစနစ်အတွင်း ဝန်အားမျှတ တည်ငြိမ်စွာဖြင့် စဉ်ဆက်မပြတ် ဓာတ်အားပို့လွှတ်ဖြန့်ဖြူးနိုင်ရန်အတွက် ပင်မဓာတ်အားခွဲရုံများနှင့် ဓာတ်အားလိုင်းများကို အခါအားလျော်စွာ ထိန်းသိမ်းပြုပြင်ခြင်းနှင့် လိုအပ်ပါက အသစ်တိုးချဲ့ တည်ဆောက်ခြင်းစသည့် လုပ်ငန်းများကို ကြိုးပမ်းအကောင်အထည်ဖော် ဆောင်ရွက်လျက်ရှိရာ ၂၃၀ ကေဗွီ မော်လမြိုင်ပင်မဓာတ်အားခွဲရုံရှိ ကြိုးလွန်းပွ/လွန်းပြတ်မှု ဖြစ်ပေါ်နေသော ကြိုးများကို အစားထိုး လဲလှယ်ခြင်းလုပ်ငန်းဆောင်ရွက်နိုင်ရန် အဆိုပါခွဲရုံရှိ ပင်မထရန်စဖော်မာအမှတ်(၂)အား ၂၀၂၆ ခုနှစ်၊ သြဂုတ်လ(၂၃)ရက်နေ့၊ (၁၂:၀၀)နာရီမှ (၁၆:၀၀)နာရီအထိ အချိန်(၄)နာရီကြာခန့် ဓာတ်အားပိတ် ဆောင်ရွက်သွားမည်ဖြစ်၍ မွန်ပြည်နယ်အတွင်းရှိ သံဖြူဇရပ်မြို့၊ ချောင်းဆုံမြို့၊ ကမာဝက်မြို့၊ ကျိုက္ခမီမြို့နှင့် မော်လမြိုင်မြို့တို့ရှိ ရပ်ကွက်နှင့် ကျေးရွာများ၊ တပ်ရင်း/တပ်ဖွဲ့များ၊ စက်ရုံ/အလုပ်ရုံ များ ဓာတ်အားပြတ်တောက်နေမည်ဖြစ်ကြောင်း၊ ဓာတ်အားပြတ်ဧရိယာများရှိ ဓာတ်အားသုံးစွဲသူ မိဘပြည်သူများအား သက်ဆိုင်ရာ မြို့နယ်လျှပ်စစ်အင်ဂျင်နီယာရုံးများမှတစ်ဆင့် ကြိုတင် အသိပေးထားပြီး ဖြစ်ပါကြောင်း လျှပ်စစ်နှင့်စွမ်းအင်ဝန်ကြီးဌာနမှ သတင်းရရှိပါသည်။

: 22-Aug-2026

၂၃၀ ကေဗွီ ဝါးတရာပင်မဓာတ်အားခွဲရုံ၊ ပြုပြင်ထိန်းသိမ်းခြင်းလုပ်ငန်းဆောင်ရွက်နိုင်ရန်အတွက် ဓာတ်အားပိတ်မည့် အစီအစဉ်နှင့်စပ်လျဉ်း၍ ပြည်သူသို့ အသိပေးပန်ကြားချက်

လျှပ်စစ်နှင့်စွမ်းအင်ဝန်ကြီးဌာနအနေဖြင့် နိုင်ငံတော်ဓာတ်အားစနစ်အတွင်း ဝန်အားမျှတ တည်ငြိမ်စွာဖြင့် စဉ်ဆက်မပြတ် ဓာတ်အားပို့လွှတ်ဖြန့်ဖြူးနိုင်ရန်အတွက် ပင်မဓာတ်အားခွဲရုံများနှင့် ဓာတ်အားလိုင်းများကို အခါအားလျော်စွာ ထိန်းသိမ်းပြုပြင်ခြင်းနှင့် လိုအပ်ပါက အသစ်တိုးချဲ့ တည်ဆောက်ခြင်းစသည့် လုပ်ငန်းများကို အားသွန်ခွန်စိုက် ကြိုးပမ်းအကောင်အထည်ဖော် ဆောင်ရွက် လျက်ရှိရာ ၂၃၀ ကေဗွီ ဝါးတရာပင်မဓာတ်အားခွဲရုံရှိ မီးစားမှုဖြစ်ပေါ်နေသော ဗို့အားမြင့် ဓာတ်အား ဖွင့်/ပိတ် ခလုတ်အား ပြုပြင်ခြင်းလုပ်ငန်း ဆောင်ရွက်နိုင်ရန် အဆိုပါခွဲရုံရှိ ပင်မထရန်စဖော်မာအမှတ် (၁) ကို ၂၀၂၆ ခုနှစ်၊ သြဂုတ်လ (၂၃) ရက်နေ့၊ (၀၈:၀၀) နာရီမှ (၁၀:၃၀) နာရီအထိ အချိန်(၂)နာရီခွဲခန့် ဓာတ်အားပိတ် ဆောင်ရွက်သွားမည်ဖြစ်၍ ရန်ကုန်တိုင်းဒေသကြီးအတွင်းရှိ သာဓုကန်စက်မှုဇုန်၊ ဝါးတရာစက်မှုဇုန်၊ ရွှေလင်ပန်းစက်မှုဇုန်၊ မြန်မာပေါင်ချိန်စက်ရုံနှင့် ရွှေပြည်သာမြို့နယ်တို့ရှိ ရပ်ကွက် အချို့နှင့် ကျေးရွာများ၊ စက်ရုံ/အလုပ်ရုံများ ဓာတ်အားပြတ်တောက်နေမည်ဖြစ်ကြောင်းနှင့် ဓာတ်အားပြတ်ဧရိယာများရှိ ဓာတ်အားသုံးစွဲသူ မိဘပြည်သူများအား သက်ဆိုင်ရာ မြို့နယ်လျှပ်စစ် အင်ဂျင်နီယာရုံးများမှတစ်ဆင့် ကြိုတင်အသိပေးထားပြီးဖြစ်ပါကြောင်း လျှပ်စစ်နှင့်စွမ်းအင်ဝန်ကြီး ဌာနမှ သတင်းရရှိပါသည်။

: 22-Aug-2026

၃၃ ကေဗွီ ဓာတ်အားခွဲရုံ အမှတ် (၈) တွင် ဓာတ်အားလိုင်းအသစ် သွယ်တန်းခြင်းနှင့် ချိတ်ဆက်ခြင်းလုပ်ငန်း ဆောင်ရွက်ခြင်းအား သတင်းထုတ်ပြန်ခြင်း

ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်အတွင်း ဓာတ်အားလိုင်းများ အပြစ်ဖြစ်ပေါ်ပါက ဓာတ်အားပြတ်ဧရိယာ လျော့ချနိုင်ရန်အတွက် ၃၃ ကေဗွီ ဓာတ်အားခွဲရုံအမှတ် (၈) တွင် ဓာတ်အားလိုင်းအသစ် သွယ်တန်းခြင်းနှင့် ဓာတ်အားလိုင်း ချိတ်ဆက်ခြင်းလုပ်ငန်းများ ဆောင်ရွက်နိုင်ရန် ၂၀၂၆ ခုနှစ်၊ ဩဂုတ်လ ၂၃ ရက်နေ့ နံနက် ၈:၀၀ နာရီမှ ညနေ ၄:၀၀ နာရီအထိ ဓာတ်အားပိတ်၍ လုပ်ငန်းများ ဆောင်ရွက်သွားမည်ဖြစ်ရာ ဥတ္တရသီရိမြို့နယ်အတွင်းရှိ ဇဝနသိဒ္ဓိ ရပ်ကွက်၊ ရတနာသိဒ္ဓိရပ်ကွက်များနှင့် ရုံးဌာနအဖွဲ့အစည်းများတွင် ယာယီဓာတ်အားပြတ်တောက် နေမည်ဖြစ်ကြောင်း ဓာတ်အားပြတ်ဧရိယာများရှိ ရုံးဌာနများနှင့် အများပြည်သူဆိုင်ရာနေရာများကို ကြိုတင်အသိပေးထားပြီး ဖြစ်ပါကြောင်း လျှပ်စစ်နှင့်စွမ်းအင်ဝန်ကြီးဌာနမှ သတင်းရရှိပါသည်။

: 21-Aug-2026

The Republic of the union of myanmar

Ministry Of Electricity And Energy

Total visitors

ပြည်သူသို့ပန်ကြားလွှာ

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

သတင်းထုတ်ပြန်ချက်

သတင်းထုတ်ပြန်ချက်

Electricity And Energy

Total visitors