MOEE

ပြည်သူသို့ပန်ကြားလွှာ

၃၃ ကေဗွီ အေလာ ဓာတ်အားလိုင်းအား ပြောင်းရွှေ့သွယ်တန်းခြင်းလုပ်ငန်း ဆောင်ရွက်ခြင်းအား အများပြည်သူများ သိရှိနိုင်ပါရန် သတင်းထုတ်ပြန်ခြင်း

ပြည်ထောင်စုနယ်မြေ၊ နေပြည်တော်၊ အေလာမြို့၊ ဝက္ကမူကျေးရွာအနီး ရန်ကုန် - မန္တလေး မီးရထားသံလမ်းဘေး (AH1) လမ်းမကြီးရှိ မီးရထားသံလမ်း ခုံးကျော်တံတား တည်ဆောက်ခြင်းနှင့် မလွတ်ကင်းသည့် ၃၃ ကေဗွီ ပျဉ်းမနား - အေလာ ဓာတ်အားလိုင်း ပြောင်းရွှေ့သွယ်တန်းခြင်း ဆောင်ရွက်ရန်အတွက် ၂၀၂၆ ခုနှစ်၊ ဇွန်လ ၁၃ ရက်နေ့၊ နံနက် (၀၈:၀၀) နာရီမှ ညနေ (၀၅:၀၀) နာရီအထိ ဓာတ်အားပိတ်၍ လုပ်ငန်းများဆောင်ရွက်သွားမည်ဖြစ်ပါသဖြင့် အေလာမြို့နှင့် သာဝတ္ထိမြို့ရှိ အစိုးရရုံးဌာနများ၊ မြို့ပေါ်ရပ်ကွက်များနှင့် ကျေးရွာများတွင် ဓာတ်အားယာယီပြတ်တောက်နေမည် ဖြစ်ကြောင်း ဓာတ်အားပြတ်ဧရိယာများရှိ အစိုးရရုံးဌာနများနှင့် အများပြည်သူဆိုင်ရာနေရာများကို ကြိုတင်အသိပေးထားပြီးဖြစ်ပါကြောင်း လျှပ်စစ်နှင့်စွမ်းအင်ဝန်ကြီးဌာနမှ သတင်းရရှိပါသည်။

: 11-Jun-2026

၆၆ ကေဗွီ ကျိုင်းတုံ-မိုင်းခုတ် ဓာတ်အားလိုင်း ဓာတ်အားပိတ်လုပ်ငန်း ဆောင်ရွက်မည့်အစီအစဉ်နှင့်စပ်လျဉ်း၍ ပြည်သူသို့အသိပေးပန်ကြားချက်

၆၆ ကေဗွီ ကျိုင်းတုံ-မိုင်းခုတ် ဓာတ်အားလိုင်းသည် ရှမ်းပြည်နယ် (အရှေ့ပိုင်း) ခရိုင်၊ မြို့ဧရိယာများတွင် စဉ်ဆက်မပြတ် ဓာတ်အားပိုလွှတ်ဖြန့်ဖြူးပေးနိုင်ရေးအတွက် အရေးပါသည့် ဓာတ်အားလိုင်းဖြစ်ပြီး ကျိုင်းတုံမြို့နယ်၊ မိုင်းလုကျေးရွာအနီး တာဝါတိုင်အမှတ် (၁၁၂၊ ၁၃၀၊ ၁၅၅၊ ၁၇၁ နှင့် ၁၈၆) ၊ စုစုပေါင်း (၅) တိုင်တွင် ကြွေသီးများကွဲနေသည်ကို စစ်ဆေးတွေ့ရှိရသဖြင့် အဆိုပါ ကြွေသီးကွဲများအား ကြွေသီးတွဲအသစ် အစားထိုးလဲလှယ်ခြင်းလုပ်ငန်းများ ဆောင်ရွက် သွားမည်ဖြစ်ပါသည်။

: 06-Jun-2026

၃၃ ကေဗွီ တပ်ကုန်း ဓာတ်အားလိုင်း ထိန်းသိမ်းပြုပြင်ခြင်းလုပ်ငန်းများ ဆောင်ရွက်ခြင်းအား အများပြည်သူများ သိရှိနိုင်ရန် သတင်းထုတ်ပြန်ခြင်း

ပြည်ထောင်စုနယ်မြေ၊ နေပြည်တော်၊ ဥတ္တရခရိုင်၊ တပ်ကုန်းမြို့အတွင်း ဓာတ်အား ပြတ်တောက်မှု လျော့နည်းစေရေးနှင့် လျှပ်စစ်အန္တရာယ်ကင်းရှင်းစေရေးအတွက် ဓာတ်အားလိုင်း များတစ်လျှောက် မလွတ်ကင်းသော သစ်ပင်သစ်ကိုင်းများ၊ ခြုံနွယ်များ ခုတ်ထွင်ရှင်းလင်းခြင်း လုပ်ငန်းများဆောင်ရွက်ရန် ၂၀၂၆ ခုနှစ်၊ ဇွန်လ ၇ ရက်နေ့တွင် ၃၃ ကေဗွီ တပ်ကုန်း ဓာတ်အားလိုင်း ကို နံနက် ၈ နာရီမှ နေ့လယ် ၁ နာရီအထိ ဓာတ်အားပိတ်၍ ထိန်းသိမ်းပြုပြင်ခြင်းလုပ်ငန်းများ ဆောင်ရွက်သွားမည်ဖြစ်ပါသဖြင့် တပ်ကုန်းမြို့နယ်အတွင်းရှိ မြို့ပေါ်ရပ်ကွက်များနှင့် ကျေးရွာများအား ဓာတ်အားယာယီပြတ်တောက်နေမည်ဖြစ်ကြောင်း ဓာတ်အားပြတ်ဧရိယာများရှိ အစိုးရရုံးဌာနများနှင့် အများပြည်သူဆိုင်ရာနေရာများကို ကြိုတင်အသိပေးထားပြီးဖြစ်ပါကြောင်း လျှပ်စစ်နှင့်စွမ်းအင် ဝန်ကြီးဌာနမှ သိရှိရပါသည်။

: 05-Jun-2026

တောင်သာဓာတ်အားခွဲရုံအား ၃၃ ကေဗွီ ဖွံ့ဖြိုးရေး - ၂ ဓာတ်အားလိုင်းဖြင့် ပြောင်းလဲချိတ်ဆက်မည့်လုပ်ငန်းများ ဆောင်ရွက်ခြင်းအား အများပြည်သူများ သိရှိနိုင်ပါရန် သတင်းထုတ်ပြန်ခြင်း

ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့ ၃၃ ကေဗွီ ပျဉ်းမနား ဓာတ်အားလိုင်း ပေါ်မှ ဓာတ်အားရယူထားသော ၃၃ ကေဗွီ တောင်သာဓာတ်အားခွဲရုံကို ၃၃ ကေဗွီ ဖွံ့ဖြိုးရေး - ၂ ဓာတ်အားလိုင်းပေါ်သို့ ပြောင်းလဲချိတ်ဆက်ခြင်းလုပ်ငန်းများ ဆောင်ရွက်ရန်အတွက် ၂၀၂၆ ခုနှစ်၊ ဇွန်လ ၇ ရက်နေ့တွင် ၃၃ ကေဗွီ ပျဉ်းမနားဓာတ်အားလိုင်းနှင့် ၃၃ ကေဗွီ ဖွံ့ဖြိုးရေး-၂ ဓာတ်အား လိုင်းတို့အား နံနက် (၀၈:၀၀) မှ (၁၃:၀၀) အချိန်ထိ ဓာတ်အားပိတ်၍ ပြောင်းလဲချိတ်ဆက်ခြင်း လုပ်ငန်းများ ဆောင်ရွက်မည်ဖြစ်ပါသဖြင့် ပျဉ်းမနားမြို့ပေါ် ရပ်ကွက်များနှင့် အနီးပတ်ဝန်းကျင် ကျေးရွာများ၊ ဒက္ခိဏသီရိမြို့နယ်အတွင်းရှိ ရပ်ကွက်များ၊ ဟိုတယ်ဇုန်၊ NGO အဖွဲ့အစည်းများနှင့် စည်ပင်ရေသန့်စက်ရုံ (၂) ရုံ ဓာတ်အားယာယီပြတ်တောက်နေမည်ဖြစ်ပါသဖြင့် ဓာတ်အားပြတ်ဧရိယာ များရှိ အစိုးရရုံးဌာနများနှင့် အများပြည်သူဆိုင်ရာနေရာများကို ကြိုတင်အသိပေးထားပြီးဖြစ်ပါ ကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရှိရပါသည်။

: 05-Jun-2026

တောင်ကြီးမြို့၊ ၆၆/၁၁ ကေဗွီ (၂၀) အမ်ဗွီအေ တောင်ကြီးအမှတ် (၃) ဓာတ်အားခွဲရုံအတွင်း လိုအပ်သော ထိန်း/ပြင်လုပ်ငန်းများ ဆောင်ရွက်နိုင်ရန်အတွက် ဓာတ်အားပိတ်ဆောင်ရွက်ခြင်းအား အများပြည်သူသိရှိနိုင်ရန် သတင်းထုတ်ပြန်ခြင်း

ရှမ်းပြည်နယ် (တောင်ပိုင်း)၊ တောင်ကြီးခရိုင်၊ တောင်ကြီးမြို့ပေါ် ဧရိယာများသို့ ဓာတ်အားပိုမိုဖြန့်ဖြူးပေးနိုင်ရန်၊ ဗို့အားကောင်းမွန်စေရေး၊ ဓာတ်အားပြတ်တောက်မှု လျော့နည်း စေရေးနှင့် ဓာတ်အားလိုင်းများ ကြံ့ခိုင်ကောင်းမွန်စေရေးတို့အတွက် ၆၆/၁၁ ကေဗွီ (၂၀) အမ်ဗွီအေ တောင်ကြီးအမှတ်(၃) ဓာတ်အားခွဲရုံ၏ ၆၆ ကေဗွီ Switch Yard အတွင်းရှိ ဓာတ်အားလက်ခံ စက်ပစ္စည်းများနှင့် ထရန်စဖော်မာချိတ်ဆက်မည့်ပစ္စည်းများ ကြံ့ခိုင်မှု့စစ်ဆေးခြင်းနှင့် ဓာတ်အား ထိန်းချုပ်ခန်းအတွင်းရှိ ဓာတ်အားလွှတ်စက်ပစ္စည်းများကို လိုအပ်သည့် ပြုပြင်ထိန်းသိမ်းခြင်း လုပ်ငန်းများ ဆောင်ရွက်သွားရန်အတွက် ၂၀၂၆ ခုနှစ်၊ ဇွန်လ ၇ ရက်နေ့တွင် နံနက် (၀၉း၀၀) နာရီမှ ညနေ (၁၄း၀၀) နာရီထိ ဓာတ်အားပိတ်၍ လုပ်ငန်းများဆောင်ရွက်မည်ဖြစ်ရာ ဓာတ်အားပိတ် လုပ်ငန်းများ ဆောင်ရွက်နေချိန်အတွင်း တောင်ကြီးမြို့ပေါ်ရှိ ဌာနဆိုင်ရာရုံးအချို့အပါအဝင် မြို့ပေါ် ရပ်ကွက်များရှိ မီးသုံးသူ (၁၉၃၄၈) ဦးတို့ ယာယီဓာတ်အားပြတ်တောက်နေမည်ဖြစ်ပါသဖြင့် ဓာတ်အားပိတ်ဧရိယာများရှိ သက်ဆိုင်ရာ ဒေသအာဏာပိုင်များ၊ အများပြည်သူများကို ကြိုတင် ညှိနှိုင်းအကြောင်းကြားထားပြီးဖြစ်ပါကြောင်း လျှပ်စစ်နှင့် စွမ်းအင်ဝန်ကြီးဌာနမှ သတင်းရရှိပါသည်။

: 05-Jun-2026

The Republic of the union of myanmar

Ministry Of Electricity And Energy

Total visitors

ပြည်သူသို့ပန်ကြားလွှာ

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

သတင်းထုတ်ပြန်ချက်

သတင်းထုတ်ပြန်ချက်

Electricity And Energy

Total visitors