MOEE

ပြည်သူသို့ပန်ကြားလွှာ

၆၆ ကေဗွီ တောင်ကြီး-အောင်သပြေ ဓာတ်အားလိုင်းအားလိုင်းတလျှောက် သစ်ပင်သစ်ကိုင်း ခုတ်ထွင်ရှင်းလင်းခြင်းနှင့် အောင်သပြေခွဲရုံတွင် ထိန်းသိမ်းပြုပြင်ခြင်းလုပ်ငန်းများ ဆောင်ရွက်နိုင်ရန် ဓာတ်အားပိတ်ဆောင်ရွက်ခြင်းအား သတင်းထုတ်ပြန်ခြင်း

မိုးဦးကာလကျရောက်ပြီဖြစ်ပါသဖြင့် လျှပ်စစ်အန္တရာယ်ကင်းရှင်းစေရေး၊ ဗို့အား ကောင်းမွန်စေရေး၊ ဓာတ်အားပြတ်တောက်မှု လျော့နည်းစေရေးနှင့် ဓာတ်အားလိုင်းများ ကြံ့ခိုင် ကောင်းမွန်စေရေးတို့အတွက် ၁၃၂ ကေဗွီ တောင်ကြီးပင်မဓာတ်အားခွဲရုံမှ ဓာတ်အားပို့လွှတ် ထားသော ၆၆ ကေဗွီ တောင်ကြီး-အောင်သပြေ ဓာတ်အားလိုင်းတစ်လျှောက် သစ်ပင်သစ်ကိုင်း ခုတ်ထွင်ရှင်းလင်းခြင်းနှင့် အောင်သပြေဓာတ်အားခွဲရုံတွင် လိုအပ်သော ထိန်းသိမ်းပြုပြင်ခြင်း လုပ်ငန်းများ ဆောင်ရွက်ရန် ၂၀၂၆ ခုနှစ်၊ ဇွန်လ ၁၄ ရက်နေ့ (၀၉း၀၀)နာရီမှ (၁၅း၀၀) နာရီအထိ ဓာတ်အားပိတ်၍ လုပ်ငန်းများ ဆောင်ရွက်သွားမည်ဖြစ်ရာ အဆိုပါ လုပ်ငန်းများ ဆောင်ရွက်နေချိန် အတွင်း နောင်ကား၊ နောင်ခဲ၊ ကျောက်တလုံးကြီး၊ ဆီဆိုင်၊ ဆိုက်ခေါင်၊ ဘန်းယဥ်၊ စက်မှုဇုန်(၁၊၂)၊ ရှမ်းရိုးမဘိလပ်မြေ စက်ရုံ၊ ဟိုတယ်ဇုန်ခွဲရုံ၊ စံကားခွဲရုံ၊ တောင်ကြီး အမှတ်(၁)ခွဲရုံတို့မှ ဓာတ်အားပေး ထားသော စဝ်စံထွန်းဆေးရုံကြီးနှင့် အရေးကြီးနေရာများ၊ မြို့ပေါ် (၉)ရပ်ကွက်နှင့် ကျေးရွာ (၄၀၅) ရွာမှ မီးသုံးသူဦးရေ (၂၄၈၃၈)ဦး ယာယီဓာတ်အားပြတ်တောက်နေမည်ဖြစ်ပါကြောင်း ဓာတ်အားပိတ် ဧရိယာများရှိ ဓာတ်အားသုံးစွဲသူ အများပြည်သူများကို ကြိုတင်အသိပေး အကြောင်းကြားထားပြီး ဖြစ်ပါကြောင်း လျှပ်စစ်နှင့်စွမ်းအင်ဝန်ကြီးဌာနမှ သတင်းရရှိပါသည်။

: 12-Jun-2026

၂၃၀ ကေဗွီ နမ့်စန်-မိုင်းပျဉ်း နှစ်ထပ် ဓာတ်အားလိုင်း ဓာတ်အားပိတ်လုပ်ငန်း ဆောင်ရွက်မည့်အစီအစဉ်နှင့်စပ်လျဉ်း၍ ပြည်သူသို့အသိပေးပန်ကြားချက်

၂၃၀ ကေဗွီ နမ့်စန်-မိုင်းပျဉ်း နှစ်ထပ် ဓာတ်အားလိုင်းသည် ရှမ်းပြည်နယ် (အရှေ့ပိုင်း) ရှိ ခရိုင်၊ မြို့ ဧရိယာများသို့ စဉ်ဆက်မပြတ် ဓာတ်အားပို့လွှတ်ဖြန့်ဖြူးပေးနိုင်ရေးအတွက် အရေးပါသည့် ဓာတ်အားလိုင်းဖြစ်ပြီး၊ ၎င်းဓာတ်အားလိုင်းကို တာဝန်ယူထိန်းသိမ်းသည့် မဟာဓာတ်အားလိုင်းမှူးရုံး (ကျိုင်းတုံ) မှ ဓာတ်အားလိုင်း အသေးစိတ်စစ်‌ဆေးခြင်းလုပ်ငန်းများ ဆောင်ရွက်ခဲ့ရာ မိုင်းပျဉ်း မြို့နယ်၊ တာကော် (၇) မိုင်ကျေးရွာအနီးရှိ တာဝါတိုင်အမှတ်(၃၃၀) တွင် မိုးကြိုးလျှပ်စီးကြောင့် ကြွေသီးတွဲ မီးပန်းထားသည်ကို စစ်ဆေးတွေ့ရှိရသဖြင့် ကြွေသီးတွဲအသစ် အစားထိုးလဲလှယ်ခြင်း လုပ်ငန်းဆောင်ရွက်သွားရမည်ဖြစ်ပါသည်။

: 12-Jun-2026

၁၃၂ ကေဗွီ မကွေး-တောင်တွင်းကြီး ဓာတ်အားလိုင်း၏ လက်ရှိ ACSR ဓာတ်အားလိုင်းကြိုးအား ဝန်အား (၂) ဆကျော်အထိ တိုးမြှင့် သယ်ဆောင်နိုင်သည့် နည်းပညာမြင့် ဖိုင်ဘာအူတိုင် အလူမီနီယံကြိုးဖြင့် အစားထိုးလဲလှယ်ခြင်းနှင့်ပတ်သက်၍ သတင်းထုတ်ပြန်ခြင်း

မကွေးတိုင်းဒေသကြီးအတွင်းရှိ တည်ဆောက်ပြီးနှင့် တည်ဆောက်ဆဲ ဓာတ်အားပေး စက်ရုံစီမံကိန်းများ၏ ဓာတ်အားထုတ်လုပ်မှုများအား နိုင်ငံတော်ဓာတ်အားစနစ်ကွန်ယက်သို့ ပိုမိုသယ်ဆောင်နိုင်ရန်၊ ဓာတ်အားစနစ်တည်ငြိမ်စေရန်နှင့် ဗို့အားတိုးတက်ကောင်းမွန်စေရန်တို့ အတွက် ၁၃၂ ကေဗွီ မကွေး-တောင်တွင်းကြီး ဓာတ်အားလိုင်း၏ လက်ရှိ ACSR ဓာတ်အားလိုင်း ကြိုးကို ဝန်အား(၂)ဆကျော်အထိ တိုးမြှင့် သယ်ဆောင်နိုင်သည့် နည်းပညာမြင့် ဖိုင်ဘာအူတိုင် အလူမီနီယံ ဓာတ်အားလိုင်းကြိုးဖြင့် ဓာတ်အားပိတ်၍ အစားထိုး လဲလှယ်ခြင်း လုပ်ငန်းများကို ၂၀၂၆ ခုနှစ်၊ မေလ ၂၂ ရက်မှ စတင်၍ ဇွန်လ ၇ ရက်အထိ ဆောင်ရွက်ခဲ့ရာ လုပ်ငန်းတစ်ရပ်လုံး၏ (၁၉.၆၀) ရာခိုင်နှုန်း ဆောင်ရွက်ပြီးစီးခဲ့ပါသည်။

: 11-Jun-2026

၆၆ ကေဗွီ တောင်ကြီး-ဟိုပုံး ဓာတ်အားလိုင်း တစ်လျှောက်ရှိ သစ်ပင်သစ်ကိုင်းများ ခုတ်ထွင်ရှင်းလင်းခြင်းနှင့် Jumper Connection များစစ်ဆေးခြင်း ထိန်းသိမ်းပြုပြင်ခြင်း လုပ်ငန်းများ ဆောင်ရွက်ရန်အတွက် ဓာတ်အားပိတ်ဆောင်ရွက်ခြင်းအား သတင်းထုတ်ပြခြင်း

လျှပ်စစ်နှင့်စွမ်းအင်ဝန်ကြီးဌာနအနေဖြင့် မိုးဦးကာလကျရောက်ပြီဖြစ်သောကြောင့် လျှပ်စစ် အန္တရာယ်ကင်းရှင်းစေရေး၊ ဓာတ်အားပြတ်တောက်မှုလျော့နည်းစေရေးနှင့် ဓာတ်အားလိုင်းများ ကြံ့ခိုင်ကောင်းမွန်စေရေးတို့အတွက် ၆၆ ကေဗွီ တောင်ကြီး-ဟိုပုံး ဓာတ်အားလိုင်း၊ ၃၃ ကေဗွီ ဟိုပုံးနှင့် မိုင်းပွန် ဖီဒါဓာတ်အားလိုင်းများနှင့် မလွတ် ကင်းသည့် သစ်ပင်သစ်ကိုင်းများ ခုတ်ထွင်ရှင်းလင်းခြင်း၊ Jumper Connection များစစ်ဆေးခြင်း၊ ထိန်းသိမ်းပြုပြင်ခြင်းလုပ်ငန်းဆောင်ရွက်ရန် ၂၀၂၆ ခုနှစ်၊ ဇွန်လ ၁၃ ရက် နှင့် ၁၄ ရက်နေ့များတွင် (၀၉း၀၀)နာရီမှ (၁၆း၀၀)နာရီအထိ ဓာတ်အားပိတ်၍ လုပ်ငန်းများ ဆောင်ရွက်သွားမည်ဖြစ်ရာ ဆောင်ရွက်နေချိန်အတွင်း ဟိုပုံးမြို့ဓာတ်အားခွဲရုံမှ ဓာတ်အားဖြန့်ဖြူးပေးထားသော ပအိုဝ်းကိုယ်ပိုင် အုပ်ချုပ်ခွင့်ရဒေသရှိ အရေးကြီးနေရာများ ဟိုပုံးမြို့၊ ကျောက်တန်းမြို့၊ မိုင်းပွန်မြို့များရှိ ရပ်ကွက် (၁၁)ရပ်ကွက်နှင့် ကျေးရွာပေါင်း(၁၀၆)ရွာမှ မီးသုံးသူ (၁၆၅၁၇)ဦး ယာယီဓာတ်အားပြတ်တောက် နေမည်ဖြစ်ပါသဖြင့် ဓာတ်အားပိတ်ဧရိယာများရှိ ဓာတ်အားသုံးစွဲသူ အများပြည်သူများကို ကြိုတင်ညှိနှိုင်း အကြောင်းကြားထားပြီးဖြစ်ပါကြောင်း လျှပ်စစ်နှင့်စွမ်းအင်ဝန်ကြီးဌာနမှ သတင်းရရှိပါသည်။

: 11-Jun-2026

၃၃ ကေဗွီ ဓာတ်အားလိုင်းများ ထိန်းသိမ်းပြုပြင်ခြင်းလုပ်ငန်း ယာယီဓာတ်အားပိတ်၍ ဆောင်ရွက်ခြင်းအား အများပြည်သူသိရှိနိုင်ရန် သတင်းထုတ်ပြန်ခြင်း

ပြည်ထောင်စုနယ်မြေ၊ နေပြည်တော်အတွင်း ဓာတ်အားပြတ်တောက်မှုလျော့နည်း စေရေးနှင့် လျှပ်စစ်အန္တရာယ်ကင်းရှင်းစေရေး ဓာတ်အားလိုင်းများတစ်လျှောက် မလွတ်ကင်းသော သစ်ပင်သစ်ကိုင်းများ၊ ခြုံနွယ်များ ခုတ်ထွင်ရှင်းလင်းခြင်းလုပ်ငန်းများ ဆောင်ရွက်နိုင်ရန်အတွက် ၂၀၂၆ ခုနှစ်၊ ဇွန်လ ၁၃ ရက်နေ့တွင် ၃၃ ကေဗွီ Project M/O ဓာတ်အားလိုင်းအား နံနက် ၈ နာရီမှ နေ့လယ် ၃ နာရီ အထိ လည်းကောင်း၊ ၂၀၂၆ ခုနှစ်၊ ဇွန်လ ၁၄ ရက်နေ့တွင် ၃၃ ကေဗွီ MRTV - 1 ဓာတ်အားလိုင်းအား နံနက် ၈ နာရီမှ နေ့လယ် ၃ နာရီ အထိလည်းကောင်း ထိန်းသိမ်းပြုပြင်ခြင်း လုပ်ငန်းများ ဆောင်ရွက်သွားမည်ဖြစ်သဖြင့် အဆိုပါဓာတ်အားလိုင်းများ ယာယီဓာတ်အား ပြတ်တောက် နေမည်ဖြစ်ပြီး ဓာတ်အားပြတ်ဧရိယာများရှိ ရုံးဌာနများနှင့် အများပြည်သူဆိုင်ရာနေရာများကို ကြိုတင် အသိပေးထားပြီးဖြစ်ပါကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရှိရပါသည်။

: 11-Jun-2026

The Republic of the union of myanmar

Ministry Of Electricity And Energy

Total visitors

ပြည်သူသို့ပန်ကြားလွှာ

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

သတင်းထုတ်ပြန်ချက်

သတင်းထုတ်ပြန်ချက်

Electricity And Energy

Total visitors