MOEE

ပြည်သူသို့ပန်ကြားလွှာ

လျှပ်စစ်နှင့်စွမ်းအင်ဝန်ကြီးဌာနအောက်ရှိ ၆၆ ကေဗွီ မြန်အောင်-ဟင်္သာတ အမှတ် (၁+၂) ဓာတ်အားလိုင်း ဓာတ်အားပိတ်လုပ်ငန်း ဆောင်ရွက်မည့်အစီအစဉ်နှင့်စပ်လျဉ်း၍ ပြည်သူသို့ အသိပေးပန်ကြားချက်အား သတင်းထုတ်ပြန်ခြင်း

ဧရာဝတီတိုင်းဒေသကြီးအတွင်းရှိ ခရိုင်၊ မြို့ ဧရိယာများသို့ ဓာတ်အားပိုမိုဖြန့်ဖြူး ပေးနိုင်ရန်အတွက် ဧရာဝတီတိုင်းဒေသကြီး၊ မြန်အောင်မြို့နယ် အတွင်းရှိ ကညင်ဆည်တွင် ကညင် (၁၀.၅) မဂ္ဂါဝပ် ရေအားလျှပ်စစ်ဓာတ်အားပေးစက်ရုံစီမံကိန်းအား Kanyin Hydro Power Co.,Ltd မှ အကောင်အထည်ဖော်ဆောင်ရွက်လျက်ရှိပါသည်။ အဆိုပါစက်ရုံမှ ထုတ်လုပ်မည့် ဓာတ်အားကို ဓာတ်အားစနစ်သို့ ချိတ်ဆက်ပို့လွှတ်နိုင်ရေးအတွက် ထူးကြီးမြို့တွင် တည်ဆောက် လျက်ရှိသည့် ၆၆ ကေဗွီ ဓာတ်အားခွဲရုံကို ၆၆ ကေဗွီ မြန်အောင်-ဟင်္သာတ အမှတ် (၁) ဓာတ်အား လိုင်းနှင့် ချိတ်ဆက်ခြင်းလုပ်ငန်းများ ဆောင်ရွက်သွားမည်ဖြစ်ပါသည်။

: 22-May-2026

၂၃၀/၆၆/၁၁ကေဗွီ ဘားအံပင်မဓာတ်အားခွဲရုံ၏ ၆၆ကေဗွီ ဘားအံဖီဒါ(၃) နှင့်(၄) ဓာတ်အားပိတ်ဆောင်ရွက်ခြင်း

လျှပ်စစ်နှင့်စွမ်းအင်ဝန်ကြီးဌာန ကရင်ပြည်နယ်၊ ဘားအံမြို့၊ ၂၃၀/၆၆/၁၁ကေဗွီ ဘားအံ ပင်မ ဓာတ်အားခွဲရုံမှ ဓာတ်အားဖြန့်ဖြူးပေးထားသော ၆၆ကေဗွီ ဘားအံဖီဒါ (၃) နှင့် ဘားအံဖီဒါ (၄) ဓာတ်အား လိုင်းများအား လျှပ်စစ်အန္တရာယ်ကင်းရှင်းစွာ ဓာတ်အားဖြန့်ဖြူးပေးနိုင်ရေး၊ ဓာတ်အားပြတ်တောက်မှု လျော့နည်းစေရေးနှင့် မိုးရာသီအကြိုကာလ ဓာတ်အားလိုင်းကြံ့ခိုင် ကောင်းမွန်စေရေးတို့အတွက် ဓာတ်အားလိုင်း ပြုပြင် ထိန်းသိမ်းခြင်းလုပ်ငန်းများ ဆောင်ရွက်သွားရန် လိုအပ်မည်ဖြစ်ရာ အဆိုပါ လုပ်ငန်းများ ဆောင်ရွက် ရန်အတွက် ၂၀၂၆ ခုနှစ်၊ မေလ ၂၄ ရက်နေ့ နံနက် ၈:၀၀ နာရီ မှ ညနေ ၅:၀၀ နာရီအထိ ဓာတ်အား ပိတ်၍ လုပ်ငန်းများ ဆောင်ရွက်သွားမည်ဖြစ်ပါသည်။

: 22-May-2026

၁၃၂ ကေဗွီ မကွေး-တောင်တွင်းကြီး ဓာတ်အားလိုင်း၏ လက်ရှိ ACSR ဓာတ်အားလိုင်း ကြိုးအား ဝန်အား (၂) ဆကျော်အထိ တိုးမြှင့် သယ်ဆောင်နိုင်သည့် နည်းပညာမြင့် ဖိုင်ဘာအူတိုင် အလူမီနီယံကြိုးဖြင့် အစားထိုးလဲလှယ်ခြင်းနှင့်ပတ်သက်၍ သတင်းထုတ်ပြန်ခြင်း

လျှပ်စစ်နှင့်စွမ်းအင်ဝန်ကြီးဌာနသည် မကွေးတိုင်းဒေသကြီးအတွင်းရှိ တည်ဆောက်ပြီးနှင့် တည်ဆောက်ဆဲ ဓာတ်အားပေးစက်ရုံစီမံကိန်းများ၏ ဓာတ်အားထုတ်လုပ်မှုများအား နိုင်ငံတော် ဓာတ်အားစနစ်ကွန်ယက်သို့ ပိုမိုသယ်ဆောင်နိုင်ရန်၊ ဓာတ်အားစနစ်တည်ငြိမ်စေရန်နှင့် ဗို့အား တိုးတက်ကောင်းမွန်စေရန်တို့အတွက် ၁၃၂ ကေဗွီ မကွေး-တောင်တွင်းကြီး ဓာတ်အားလိုင်း၏ လက်ရှိ ACSR ဓာတ်အားလိုင်းကြိုးကို ဝန်အား(၂)ဆကျော်အထိ တိုးမြှင့် သယ်ဆောင်နိုင်သည့် နည်းပညာမြင့် ဖိုင်ဘာအူတိုင် အလူမီနီယံ ဓာတ်အားလိုင်းကြိုးဖြင့် ဓာတ်အားပိတ်၍ အစားထိုးလဲလှယ်ခြင်း လုပ်ငန်းများ ဆောင်ရွက်သွားမည်ဖြစ်ပါသည်။

: 22-May-2026

လျှပ်စစ်ဓာတ်အားသုံးစွဲသူပြည်သူများသို့ အသိပေးတင်ပြခြင်း

၁။ လျှပ်စစ်နှင့်စွမ်းအင်ဝန်ကြီးဌာနသည် ပြည်သူများသို့ လျှပ်စစ်ဓာတ်အားပိုမိုဖြန့်ဖြူးပေးနိုင်ရန် အတွက် စွမ်းအင်အရင်းအမြစ်မျိုးစုံမှ ဓာတ်အားများကို စိစစ်ထုတ်လုပ်၍ ၂၀၂၆ ခုနှစ်၊ ဧပြီလ (၂၂) ရက်နေ့မှ စတင်ပြီး အဆင့်ဆင့်တိုးမြှင့် ထုတ်လုပ်ပေးခဲ့ရာ ယနေ့အချိန်အထိ နေ့စဉ် ယူနစ် ၁၀ သန်းခန့်ထိ တိုးမြှင့်ဖြန့်ဖြူး ပေးလျက်ရှိပါသည်။

: 21-May-2026

ကလော ၁၃၂ ကေဗွီ ခွဲရုံတွင် ၁၀၀ အမ်ဗွီအေ ထရန်စဖော်မာ တိုးချဲ့တပ်ဆင်ခြင်းလုပ်ငန်း ဆောင်ရွက်ခြင်း

လျှပ်စစ်နှင့်စွမ်းအင်ဝန်ကြီးဌာနသည် ရှမ်းပြည်နယ်တောင်ပိုင်းရှိ ခရိုင်၊ မြို့ ဧရိယာများသို့ ဓာတ်အားပိုမိုဖြန့်ဖြူးပေးနိုင်ရန်၊ ဗို့အားကောင်းမွန်စေရန်နှင့် ထရန်စဖော်မာများ ထိန်းသိမ်း ပြုပြင်ခြင်း ဆောင်ရွက်ချိန်များတွင် ဓာတ်အားပြတ်တောက်မှုအနည်းဆုံးဖြစ်အောင် ဆောင်ရွက်နိုင် စေရန်အတွက် ၁၃၂ ကေဗွီ ကလောပင်မဓာတ်အားခွဲရုံတွင် ၁၃၂ ကေဗွီ ၁၀၀ အမ်ဗွီအေ ထရန်စဖော်မာအသစ်အား တိုးချဲ့တည်ဆောက်ခဲ့ပါသည်။ ယခုအခါ ၁၀၀ အမ်ဗွီအေ ထရန်စဖော်မာ အသစ် ရာနှုန်းပြည့် တည်ဆောက်ပြီးစီး၍ ဓာတ်အားသုံးစွဲနိုင်စေရန် 66 kV Bus Gantry များ၊ ကြိုးများ ချိတ်ဆက်ခြင်းများကို ဆောင်ရွက်ရန်လိုအပ်မည်ဖြစ်ပါသည်။

: 16-May-2026

The Republic of the union of myanmar

Ministry Of Electricity And Energy

Total visitors

ပြည်သူသို့ပန်ကြားလွှာ

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

သတင်းထုတ်ပြန်ချက်

သတင်းထုတ်ပြန်ချက်

Electricity And Energy

Total visitors