The Republic of the union of myanmar

Ministry Of Electricity And Energy

Breaking News :

ပြည်သူ့လွှတ်တော်ကဏ္ဍ


နမ့်စန်မြို့နယ်၊ ဟိုင်းနားကြီးကျေးရွာအုပ်စု၊ နားရိုင်းလမ်းမကြီးရှိ 33 KV ဓာတ်အားလိုင်းမှ နောင်ခမ်း-နောင်ခါး-နမ့်စမ်(နမ့်ဟူးမိုင်)-နောင်ဒေးကျေးရွာများအထိ 33 KV ဓာတ်အားလိုင်း ၇ မိုင်နှင့် 33/0.4 KV ထရန်စဖော်မာ ၄ လုံး တည်ဆောက်ပေးရန်အစီအစဉ်ရှိ မရှိ သိရှိလိုခြင်းနှင့်စပ်လျဉ်းသည့်မေးခွန်း
နမ့်စန်မြို့နယ်၊ ဟိုင်းနားကြီးကျေးရွာအုပ်စုအတွင်းရှိ နားရိုင်းရွာမကြီးအထိ 33 KV ဓာတ်အားလိုင်းကို လျှပ်စစ်နှင့်စွမ်းအင်ဝန်ကြီးဌာန၏ ၂၀၁၄-၁၅ ဘဏ္ဍာနှစ်တွင် ဆောင်ရွက်ပေး ခဲ့သည့် ဓာတ်အားလိုင်း ကြီး ဖြစ်ပါကြောင်း၊ ၎င်းဓာတ်အား လိုင်းကြီးရရှိသည့်အချိန်မှစပြီး နားရိုင်း ရွာမကြီးလမ် တစ်လျှောက် ကျေးရွာတွေအားလုံး မီးလင်းနေတာကို တွေ့ရှိရမည်ဖြစ် ပကြောင်း၊ ၎င်းဓာတ်အားလိုင်း နားရိုင်းရွာမ ထိ ရောက်ရှိလာသည်မှာ ၁၀ နှစ်ကျော်ပြီ ဖြစ်သော်လည်း နားရိုင်းရွာမ၏ တောင်ဘက်အခြမ်းမှာ ရှိ သည့် နမ့်ခမ်း၊ နောင်ခမ်း၊ နောင်ဒေး၊ နောင်ခါး အစရှိသည့် ကျေးရွာ ၄ ရွာကို ဓာတ်အားလိုင်းများ ရောက်ရှိခြင်း မရှိသေးသည်ကို တွေ့ရှိရပါကြောင်း၊ ဖော်ပြပါ ကျေးရွာ ၄ ရွာတွင် အိမ်ခြေ ၄၀၀ ခန့်နှင့် ပြည်သူလူထု ၂၀၀၀ ခန့် နေထိုင်ပြီး ပညာရေး၊ ကျန်းမာရေး၊ စီးပွားရေး၊ လူမှုရေး အစစအရာရာ နိမ့်ကျ လျက်ရှိပြီး ကျေးလက်နှင့်မြို့ပြ ဆင်းရဲချမ်းသာမှု၊ ဖွံ့ဖြိုးမှုကွာဟလျက်ရှိ နေသည်ကိုလည်း တွေ့ရှိရပါ ကြောင်း၊ ကျေးရွာရှိတိုင်းရင်းသားပြည်သူများနှင့် မိမိတို့တွေ့ဆုံသည့်အခါ ကျေးရွာနေပြည်သူများ၏ ဆန္ဒမှာ နမ့်စန် မြို့နယ်၊ ဟိုင်းနားကြီး ကျေးရွာ အုပ်စု၊ နားရိုင်းရွာမကြီးမှ နောင်ခမ်းကျေးရွာအထိ 33 KV ဓာတ်အားလိုင်း ၂ မိုင်နှင့် 33/0.4 KV၊ 100 KVA ထရန်စဖော်မာတစ်လုံး တည်ဆောက်ပေးနိုင်ရန်၊ နမ့်စန်မြို့နယ်၊ ဟိုင်းနားကြီး ကျေးရွာ အုပ်စု၊ နောင်ခမ်းကျေးရွာမှ နောင်ခါး ကျေးရွာအထိ 33 KV ဓာတ်အားလိုင်း ၁ .၄ မိုင်နှင့် 33/0.4 KV၊ 100 KVA ထရန်စဖော်မာတစ်လုံး တည်ဆောက်ပေးနိုင်ရန် ၊ နမ့်စန်မြို့နယ်၊ ဟိုင်းနားကြီး ကျေးရွာအုပ်စု၊ နောင်ခါးကျေးရွာမှ နမ့်ခမ်းကျေးရွာအထိ 33 KV ဓာတ်အား လိုင်း ၂.၂ မိုင် နှင့် 33/0.4 KV၊ 200 KVA ထရန်စဖော်မာ တစ်လုံးတည်ဆောက်ပေးနိုင်ရန် ၊ နမ့်စန်မြို့နယ်၊ ဟိုင်းနားကြီးကျေးရွာအုပ်စု၊ နမ့်ခမ်းကျေးရွာမှ နောင်ဒေးကျေးရွာအထိ 33 KV ဓာတ်အားလိုင်း ၁.၃ မိုင် နှင့် 33/0.4 KV၊ 200 KVA ထရန်စဖော်မာတစ်လုံး တည်ဆောက်ပေးနိုင်ရန် နှင့် အထက်ဖော်ပြပါ ကျေးရွာ ၄ ရွာအတွက် စုစုပေါင်း 33 KV ဓာတ်အားလိုင်း ၇ မိုင်ခန့်နှင့် 33/0.4 KV ထရန်စဖော်မာ ၄ လုံးတို့အား နှစ်စဉ် ဘဏ္ဍာရေးနှစ်အလိုက် ဦးစားပေးထည့်သွင်း ဆောင်ရွက်မည့် အစီအစဉ်အား သိရှိလိုပါကြောင်းဖြင့် မေးမြန်းပါသည်။


Read More...

: 02-Jul-2026
သာပေါင်းမြို့နယ်၊ ငှက်ပျောတော၊ မဲဇလီကွင်းပေါက်၊ ဆင်လမ်းနှင့် သပြေကုန်းကျေးရွာအုပ်စုများတွင် လျှပ်စစ်မီးရရှိနိုင်ရေး ဆောင်ရွက်ပေးနိုင်ခြင်း ရှိ မရှိ၊ မရှိပါက ဆိုလာမီးကဲ့သို့ ရရှိနိုင်ရေးအတွက် ဘဏ္ဍာရေးနှစ်များတွင် ဆောင်ရွက်ပေးနိုင်ခြင်း ရှိ မရှိသိရှိလိုခြင်းနှင့်စပ်လျဉ်းသည့်မေးခွန်း
သာပေါင်းမြို့နယ်သည် ဧရာဝတီတိုင်းဒေသကြီး ၂၆ မြို့နယ်တွင် ပါဝင်သည့် မြို့နယ် တစ်မြို့ နယ်ဖြစ်ပါကြောင်း၊ သာပေါင်းမြို့နယ်၏ အကျယ်အဝန်းဧရိယာမှာ ၇၇၆.၉၅၅ စတုရန်မိုင်ဖြစ်ပြီး မြို့ပေါ်အကျယ်အဝန်း၏ ဧရိယာမှာ ၀.၉၃၄ စတုရန်းမိုင်သာရှိသည့် မြို့နယ်ဖြစ်ပါကြောင်း၊ ကျေးရွာ အုပ်စုပေါင်း ၆၇ အုပ်စု၊ ရပ်ကွက် ၃ ရပ်ကွက်ရှိပြီး ကျေးရွာငယ်ပေါင်း ၃၉၄ ရွာနှင့် ဖွဲ့စည်းထားသည့် မြို့နယ်ဖြစ်ပါကြောင်း၊ မြို့နယ်အတွင်း နေထိုင်သည့် လူဦးရေပေါင်း ၁၂၀၀၀၀ ကျော်ရှိပြီး သာပေါင်း မြို့နယ်သည် ကျောင်းကုန်းမြို့နယ်၊ ပုသိမ်မြို့နယ်၊ ကန်ကြီးထောင့်မြို့နယ်၊ ရေကြည်မြို့နယ်နှင့် ရခိုင် ပြည်နယ်၊ ဂွမြို့နယ်တို့နှင့် နယ်နိမိတ်ချင်း ထိစပ်လျက်ရှိပြီး ဧရာဝတီတိုင်း၏ အစွန်ဆုံးကျပြီး သေးငယ် သည့် မြို့ဖြစ်သည့်အတွက် ဖွံ့ဖြိုးမှုအတော်နောက်ကျကျန်နေခဲ့သည့် မြို့နယ်တစ်ခုဖြစ်ပါကြောင်း၊ ၎င်းမြို့နယ်သည် မြစ်၊ ချောင်း၊ အင်း၊ အိုင်ပေါပြီး မြေနိမ့်သည့် ဒေသဖြစ်သည့်အတွက် နှစ်စဉ်နှစ်တိုင်း မိုးရာသီတွင် ရေလွှမ်းမိုးမှုဒဏ်ကို ခံရသည့်မြို့နယ်ဖြစ်ပါကြောင်း၊ ထို့ကြောင့် မိမိတို့မြို့နယ်တွင် အဓိက လမ်းပန်းဆက်သွယ်ရေး အခက်အခဲ၊ ပညာရေး၊ ကျန်းမာရေး အထူးသဖြင့် လျှပ်စစ်မီးကိစ္စရပ်များတွင် နိုင်ငံတော်မှ ဖြည့်တင်းပေးမှု မလုံလောက်သည့်အတွက် ဖွံ့ဖြိုးတိုးတက်မှုနှေးကွေးနေပါကြောင်း၊ တစ်မြို့နယ်လုံးတွင် ကျေးရွာပေါင်း ၃၉၄ ရွာရှိသည့်အနက် ယနေ့ထိ လျှပ်စစ်မီးရရှိသည်မှာ ၃၈ ရွာလောက်သာ ရှိပါကြောင်း။


Read More...

: 02-Jul-2026
ပူတာအိုမြို့တွင်း ပြည်ထောင်စုလမ်းမကြီးပေါ်ရှိ ကတ္တရာလမ်းဘေးဝဲယာ၌ တပ်ဆင်ရန် ဆိုလာ မီးသီး ၃၅၀ လုံးနှင့်ဆက်စပ်ပစ္စည်းများရရှိနိုင်ရေး လမ်းညွှန်မှာကြားချက်အား ဆောင်ရွက်ပေး ရန် အစီအစဉ်ရှိ မရှိသိရှိလိုခြင်းနှင့် စပ်လျဉ်းသည့်မေးခွန်း
ပူတာအိုမြို့အတွင်း ၇ မိုင် ပြည်ထောင်စုလမ်းမကြီး၏ လမ်းဘေးဝဲ/ယာ လျှပ်စစ်မီး ဓာတ်တိုင်များရှိသော်လည်း လျှပ်စစ်မီးပုံမှန် မရရှိသဖြင့် ညဘက်တွင် ကတ္တရာလမ်းမကြီး တစ်လျှောက် မီးမလင်းဘဲ မှောင်နေပါကြောင်း၊ ထို့ကြောင့် ယာဉ်တိုက်မှုအန္တရာယ်ကင်းရှင်းစေရန် နှင့် မြို့အင်္ဂါရပ်နှင့်ညီအောင် ဆိုလာ Auto လင်းသည့် မီးသီး ၃၅၀ လုံးနှင့်ဆက်စပ်ပစ္စည်းများ တပ်ဆင်ပေးနိုင်ရန် အစီအစဉ် ရှိ၊ မရှိ သိလိုပါကြောင်း။


Read More...

: 02-Jul-2026
ချမ်းအေးသာစံမြို့နယ်၊ ကဉ္စနမဟီရပ်ကွက်၊ ၇၆ လမ်း၊ ၃၀ x ၃၅ လမ်းတစ်လျှောက်တွင် လျှပ်စစ် မီးလင်းရေး၊ ၇၇ လမ်း၊ ၂၆ x ၃၅ လမ်းတစ်လျှောက်တွင် ထပ်ပိုးလမ်းခင်းပြုပြင်ရန်နှင့် မီးလင်းရေးတို့ အတွက် ဆောင်ရွက်ပေးရန် အစီအစဉ် ရှိ မရှိ သိရှိလိုခြင်းနှင့် စပ်လျဉ်းသည့်မေးခွန်း
မန္တလေးတိုင်းဒေသကြီး၊ ချမ်းအေးသာစံမြို့နယ်တွင် မြို့ပေါ်ရပ်ကွက်ကြီး ၂၀ ရပ်ကွက်ရှိပြီး ကဉ္စနမဟီရပ်ကွက်သည် မြို့လယ်ခေါင်အလယ်တွင် မန္တလေးပြည်သူ့ဆေးရုံကြီး၊ မန္တလေးဘူတာရုံ၊ ရတနာပုံဈေးစသည်တို့နှင့် ဆက်သွယ်သွားလာရာတွင် စည်ကားသော ရပ်ကွက်ကြီးတစ်ခုဖြစ်ပါ ကြောင်း၊ ၎င်းရပ်ကွက်အတွင်းရှိ ၇၆ လမ်း၊ လမ်း ၃၀ x ၃၅ လမ်း၊ ၇၇ လမ်း၊ ၂၆ လမ်းမှ ၃၅ လမ်း တစ်လျှောက်တွင် လျှပ်စစ်မီးတိုင်များရှိသော်လည်း လျှပ်စစ်မီးမရရှိသည်မှာ နှစ်အတော်ကြာပြီဖြစ် ကြောင်း ၊ ၇၇ လမ်းသည်ပေအားဖြင့် ၄၀ ကျော်ကျယ်ဝန်းပြီး ယခုအခါ ဘေးတစ်ဖက်တစ်ချက်တွင် မြေသားများတက်နေပြီး အခြားလမ်းမကြီးများနှင့်စာလျှင် လမ်းကျဉ်းသလိုဖြစ်နေပါကြောင်း၊ မြို့ပြ ဖွံ့ဖြိုးသာယာရေးအတွက် ၎င်းလမ်းပိုင်းကိုလည်း ထပ်ပိုးလမ်းအဖြစ် အပြည့်ခင်းပေးနိုင်ရန် မိဘ ပြည်သူများမှ တင်ပြတောင်းခံထားပါကြောင်း၊ ၎င်းလမ်း အပြည့်ခင်းပေးမည်ဆိုပါက လမ်းအကျယ် နဂိုအတိုင်းပြန်ရပြီး ဖွံ့ဖြိုးသာယာလှပလာမည် ဖြစ်ပါကြောင်း၊ လျှပ်စစ်မီး မရရှိသည့်အတွက် ညအချိန်တွင် ၎င်းလမ်းပေါ်၌ အုပ်စုဖွဲ့၍ လုယက်မှုများ၊ ရိုက်နှက်မှုများ၊ ခိုးဝှက်မှုများ စသည့် ဒုစရိုက်မှုများလည်း ဖြစ်ပွားလေ့ရှိသည်ကို သိရှိရပါကြောင်း၊ သို့ဖြစ်ပါ၍ မြို့နယ်ဖွံ့ဖြိုးသာယာရေး၊ ဒုစရိုက်မှုကာကွယ်လျှော့ပါးရေးတို့အတွက် အထက်ဖော်ပြပါလမ်းများအား ထပ်ပိုးလမ်းအဖြစ် ပြုပြင် ရေးနှင့် လျှပ်စစ်မီးတိုင်များမှ မီးရရှိရေးတို့အတွက် ဆောင်ရွက်ပေးနိုင်ရေး အစီအစဉ် ရှိ၊ မရှိ မေးမြန်းပါသည်။


Read More...

: 02-Jul-2026
စက်သုံးဆီပြတ်လပ်မှုမရှိစေရေးနှင့် ဈေးနှုန်းတည်ငြိမ်စေရေးအတွက် ခိုင်မာသော မဟာဗျူဟာ မြောက် အရန်ဆီသိုလှောင်မှုစနစ်(Strategic Petroleum Reserve) ဖော်ဆောင်ရန်နှင့် တင်သွင်း ဖြန့်ဖြူးမှု ကွင်းဆက်ကို စနစ်တကျထိန်းကျောင်းပေးနိုင်သည့် အစီအစဉ်ရှိ မရှိသိရှိလိုခြင်းနှင့် စပ်လျဉ်း သည့် မေးခွန်း
ယနေ့ခေတ် ကမ္ဘာ့အခြေအနေသည် ဘဏ္ဍာရေး မတည်ငြိမ်မှု၊ ကုန်သွယ်ရေး လမ်းကြောင်း ပိတ်ဆို့မှုများနှင့် ပထဝီနိုင်ငံရေးတင်းမာမှုများကြောင့် စက်သုံးဆီဈေးနှုန်းအတက်အကျ အလွန် မြန် နေပါကြောင်း၊ မိမိတို့ မြန်မာနိုင်ငံသည် စက်သုံးဆီကို ပြည်ပနိုင်ငံမှ အဓိကတင်သွင်း မှီခိုနေရသည့် နိုင်ငံဖြစ်သည့်အတွက် ပြည်ပတွင် ဆီဈေးအနည်းငယ်လှုပ်ခတ်ပါက ပြည်သူတွေ၏ လူမှုစီးပွား၊ ကုန်စည်စီးဆင်းမှု နှင့် သယ်ယူပို့ဆောင်ရေးကဏ္ဍများတွင် ချက်ချင်းရိုက်ခတ်သည့် ဒဏ်ကို ပြင်းပြင်းထန်ထန်ခံရလေ့ ရှိပါကြောင်း၊ ကမ္ဘာ့ထိပ်တန်းနိုင်ငံကြီးများ အိမ်နီးနားချင်း နိုင်ငံများတွင် အီရတ်နိုင်ငံကဲ့သို့ အကျပ်အတည်းမျိုးကြုံတွေ့နေရချိန်တွင် တိုင်းပြည်ဆီ မပြတ်လပ်စေရန်နှင့် ‌ဈေးနှုန်းကို ထိန်းညှိနိုင်ရန်အတွက် SPR ခေါ် မဟာဗျူဟာမြောက်နိုင်ငံတော် အရန်ဆီ သိုလှောင်စနစ်ကို အခိုင်အမာတည်ဆောက်ထားကြသည်ကို တွေ့ရပါကြောင်း၊ မိမိတို့နိုင်ငံတွင် လည်း ရေတို ဆီ ပြတ်လပ်မှုကို ဖြေရှင်းရုံတင်မကဘဲ ရေရှည်အတွက် ဤကဲ့သို့သော မဟာဗျူဟာ မြောက် စနစ်မျိုး ရှိဖို့ အလွန် လိုအပ်နေပြီဖြစ်ပါတယ်ခင်ဗျား။ ကမ္ဘာ့နိုင်ငံကြီးများနှင့် အာဆီယံ အိမ်နီးချင်း နိုင်ငံများဟာ စွမ်းအင် ကျပ်တည်းဒဏ် ခံနိုင်ရည်ရရှိစေရန် ၎င်းတို့၏ စက်သုံးဆီ လိုအပ်ချက်အပေါ် မူတည်ပြီး စနစ်တကျ သိုလှောင်ထားကြပါကြောင်း၊ အမေရိကန် ပြည်ထောင်စု တွင် ကမ္ဘာ့အကြီးဆုံး SPR စနစ်ကို ပိုင်ဆိုင်ပြီး ရက်ပေါင်း ၉၀ ကျော်စာ သိုလှောင်ထားပါကြောင်း၊ ဆီသိုလှောင်ကန်များ ကို သဘာဝ မြေအောက်ကျောက်လှိုဏ်ဂူများတွင် ဈေးသက်သာစွာဖြင့် သိမ်းဆည်းထားပါကြောင်း၊ တရုတ်နိုင်ငံတွင် ကမ္ဘာ့ဒုတိယအကြီးဆုံး SPR စနစ်ဖြစ်ပြီး တိုင်းပြည် အတွက် ရက်ပေါင်း ၉၀ စာ အရန်ဆီ သိုလှောင်ထားပါကြောင်း၊ အစိုးရပိုင် သိုလှောင်ရုံး အားဖြင့် ပုဂ္ဂလိကကုမ္ပဏီကြီးများကိုပါ လုပ်ကိုင် ခွင့်ပေးထားပါကြောင်း၊အိန္ဒိယနိုင်ငံတွင် လျင်မြန်စွာ တိုးတက်လာ သော စွမ်းအင်လိုအပ်ချက် ကြောင့် လက်ရှိတွင် ရက်ပေါင်း ၉၅ ရက်စာ သိုလှောင် ထားပြီး ရေရှည်အတွက် ရက်ပေါင်း ၉၀ စာထိ ရောက်ရန် စီမံကိန်းစနစ်တိုးချဲ့နေပါကြောင်း။


Read More...

: 26-Jun-2026