The Republic of the union of myanmar

Ministry Of Electricity And Energy

Breaking News :

ပြည်သူ့လွှတ်တော်ကဏ္ဍ


စက်သုံးဆီပြတ်လပ်မှုမရှိစေရေးနှင့် ဈေးနှုန်းတည်ငြိမ်စေရေးအတွက် ခိုင်မာသော မဟာဗျူဟာ မြောက် အရန်ဆီသိုလှောင်မှုစနစ်(Strategic Petroleum Reserve) ဖော်ဆောင်ရန်နှင့် တင်သွင်း ဖြန့်ဖြူးမှု ကွင်းဆက်ကို စနစ်တကျထိန်းကျောင်းပေးနိုင်သည့် အစီအစဉ်ရှိ မရှိသိရှိလိုခြင်းနှင့် စပ်လျဉ်း သည့် မေးခွန်း
ယနေ့ခေတ် ကမ္ဘာ့အခြေအနေသည် ဘဏ္ဍာရေး မတည်ငြိမ်မှု၊ ကုန်သွယ်ရေး လမ်းကြောင်း ပိတ်ဆို့မှုများနှင့် ပထဝီနိုင်ငံရေးတင်းမာမှုများကြောင့် စက်သုံးဆီဈေးနှုန်းအတက်အကျ အလွန် မြန် နေပါကြောင်း၊ မိမိတို့ မြန်မာနိုင်ငံသည် စက်သုံးဆီကို ပြည်ပနိုင်ငံမှ အဓိကတင်သွင်း မှီခိုနေရသည့် နိုင်ငံဖြစ်သည့်အတွက် ပြည်ပတွင် ဆီဈေးအနည်းငယ်လှုပ်ခတ်ပါက ပြည်သူတွေ၏ လူမှုစီးပွား၊ ကုန်စည်စီးဆင်းမှု နှင့် သယ်ယူပို့ဆောင်ရေးကဏ္ဍများတွင် ချက်ချင်းရိုက်ခတ်သည့် ဒဏ်ကို ပြင်းပြင်းထန်ထန်ခံရလေ့ ရှိပါကြောင်း၊ ကမ္ဘာ့ထိပ်တန်းနိုင်ငံကြီးများ အိမ်နီးနားချင်း နိုင်ငံများတွင် အီရတ်နိုင်ငံကဲ့သို့ အကျပ်အတည်းမျိုးကြုံတွေ့နေရချိန်တွင် တိုင်းပြည်ဆီ မပြတ်လပ်စေရန်နှင့် ‌ဈေးနှုန်းကို ထိန်းညှိနိုင်ရန်အတွက် SPR ခေါ် မဟာဗျူဟာမြောက်နိုင်ငံတော် အရန်ဆီ သိုလှောင်စနစ်ကို အခိုင်အမာတည်ဆောက်ထားကြသည်ကို တွေ့ရပါကြောင်း၊ မိမိတို့နိုင်ငံတွင် လည်း ရေတို ဆီ ပြတ်လပ်မှုကို ဖြေရှင်းရုံတင်မကဘဲ ရေရှည်အတွက် ဤကဲ့သို့သော မဟာဗျူဟာ မြောက် စနစ်မျိုး ရှိဖို့ အလွန် လိုအပ်နေပြီဖြစ်ပါတယ်ခင်ဗျား။ ကမ္ဘာ့နိုင်ငံကြီးများနှင့် အာဆီယံ အိမ်နီးချင်း နိုင်ငံများဟာ စွမ်းအင် ကျပ်တည်းဒဏ် ခံနိုင်ရည်ရရှိစေရန် ၎င်းတို့၏ စက်သုံးဆီ လိုအပ်ချက်အပေါ် မူတည်ပြီး စနစ်တကျ သိုလှောင်ထားကြပါကြောင်း၊ အမေရိကန် ပြည်ထောင်စု တွင် ကမ္ဘာ့အကြီးဆုံး SPR စနစ်ကို ပိုင်ဆိုင်ပြီး ရက်ပေါင်း ၉၀ ကျော်စာ သိုလှောင်ထားပါကြောင်း၊ ဆီသိုလှောင်ကန်များ ကို သဘာဝ မြေအောက်ကျောက်လှိုဏ်ဂူများတွင် ဈေးသက်သာစွာဖြင့် သိမ်းဆည်းထားပါကြောင်း၊ တရုတ်နိုင်ငံတွင် ကမ္ဘာ့ဒုတိယအကြီးဆုံး SPR စနစ်ဖြစ်ပြီး တိုင်းပြည် အတွက် ရက်ပေါင်း ၉၀ စာ အရန်ဆီ သိုလှောင်ထားပါကြောင်း၊ အစိုးရပိုင် သိုလှောင်ရုံး အားဖြင့် ပုဂ္ဂလိကကုမ္ပဏီကြီးများကိုပါ လုပ်ကိုင် ခွင့်ပေးထားပါကြောင်း၊အိန္ဒိယနိုင်ငံတွင် လျင်မြန်စွာ တိုးတက်လာ သော စွမ်းအင်လိုအပ်ချက် ကြောင့် လက်ရှိတွင် ရက်ပေါင်း ၉၅ ရက်စာ သိုလှောင် ထားပြီး ရေရှည်အတွက် ရက်ပေါင်း ၉၀ စာထိ ရောက်ရန် စီမံကိန်းစနစ်တိုးချဲ့နေပါကြောင်း။


Read More...

: 26-Jun-2026
ဝမ်ဆန်းကျေးရွာအုပ်စု၊ ဝမ်ဆန်းကျေးရွာနှင့် ဝမ်ဟိုင့်ကျေးရွာအုပ်စု၊ ဝမ်ယိန်း ကျေးရွာအုပ်စု များသည် ယနေ့ထိ လျှပ်စစ်မီးမရရှိသေးပါသဖြင့် လျှပ်စစ်မီးတိုးချဲ့ဖြန့်ဖြူးပေးရန် အစီအစဉ်ရှိ မရှိ၊ အစီအစဉ် မရှိပါက ဦးစားပေးအစီအစဉ်ဖြင့် ထည့်သွင်းပေးပါရန် သိရှိလိုခြင်းနှင့် စပ်လျဉ်း သည့် မေးခွန်း
လဲချားမြို့နယ်အတွင်း ကျေးရွာများအထိ လျှပ်စစ်မီးရရှိရန် လိုအပ်နေကြောင်း၊ လျှပ်စစ်မီး ဖြန့်ဖြူးရေးစီမံကိန်းသည် မြို့အတွင်းမှ မြို့နယ်အတွင်းသို့ တစ်နှစ်လျှင် ၅ မိုင်ခန့် တိုးချဲ့ ဖြန့်ဖြူး ပေးရန် စီမံချက်ရှိသည်ကိုသိရပါကြောင်း၊


Read More...

: 18-Jun-2026
ကျွန်းလှမြို့နှင့် ကန့်ဘလူမြို့အပါအဝင် ၎င်းမြို့နယ်များအတွင်းရှိ ကျေးရွာများမှပြည်သူများ လျှပ်စစ်မီး မရရှိမှုကြောင့် ကြုံတွေ့နေရသောအခက်အခဲများကို လျင်မြန်စွာဖြေရှင်း ဆောင်ရွက် ပေးနိုင်ခြင်းရှိ မရှိ သိရှိလိုခြင်းနှင့်စပ်လျဉ်းသည့်မေးခွန်း
ကန့်ဘလူခရိုင်၊ ကျွန်းလှ မြို့နယ်သည် နိုင်ငံတော်အတွက် များစွာအကျိုးရှိသည့် သဖန်းဆိပ် ရေလှောင်တမံကြီးကို ၁၉၉၆ ခုနှစ် မှ စတင်တည်ဆောက်ခဲ့တာဖြစ်ပါကြောင်း၊အရှေ့တောင်အာရှတွင် ဒုတိယအကြီးဆုံး ရေလှောင်တမံကြီးတစ်ခုဖြစ်ပါကြောင်း၊ အဆိုပါ သဖန်းဆိပ်ဆည်ကြီး တည်ဆောက် နိုင်ခဲ့၍ အကျိုးပြုမှုကို နိုင်ငံတော် အနေဖြင့် ကြည့်မည်ဆိုလျှင် မိုးစပါးဧက ၅ သိန်းကျော်နှင့် နွေစပါး၊ နှမ်း၊ ပဲမျိုးစုံ ဧက ၃၅၀,၀၀၀ ခန့်ကို စိုက်ပျိုးရေလုံလောက်စွာပေးနိုင်ခဲ့ကြောင်း၊ ထို့အပြင် နိုင်ငံတော် အတွက် လိုအပ်လျက် ရှိသည့် လျှပ်စစ်ဓာတ်အားများကိုလည်း ၃၀ မဂ္ဂါဝပ်အထိ နေ့စဉ် ထုတ်ပေး နိုင်ခဲ့ပါကြောင်း၊ စိုက်ပျိုးရေ ထုတ်ပေးချိန်တွင် လျှပ်စစ်ဓာတ်အားပါရရှိအောင် ဆောင်ရွက်ခဲ့ ကြခြင်း ဖြစ် ကြောင်း၊ မိမိတို့ဒေသရှိ ပြည်သူများ သုံးစွဲ၍ပိုလျှံသော လျှပ်စစ်ဓာတ်အားများကို နိုင်ငံတော် ဓာတ်အား ပေးစနစ်သို့ ရွှေဘို-မြစ်ကြီးနားကားလမ်းဘေးရှိ ငှက်ပျောတိုင်းမဟာဓာတ်အားခွဲရုံထဲသို့ ထည့်သွင်း ၍ ထိုနိုင်ငံတော် ဓာတ်အားပေးစနစ်မှတစ်ဆင့် နိုင်ငံတော်၏အခြားလိုအပ်လျက်ရှိသော နေရာများသို့ ဓာတ်အားဖြန့်ဖြူးပေးခြင်းဖြစ်ပါကြောင်း၊ နိုင်ငံတော်အတွက် များစွာအကျိုးရှိစေတာကြောင့် ထို အချိန် တွင် တာဝန်ရှိသူနိုင်ငံတော်အကြီးအကဲများမှ အမြော်အမြင်ကြီးမားစွာဖြင့် စီမံဆောင်ရွက်ပေးခဲ့ခြင်း ဖြစ်ပါကြောင်း၊ တစ်ဘက်တွင်၎င်းဆည်တမံကြီးတည်ဆောက်မှုကြောင့် ကျွန်းလှမြို့အပါအဝင် ကျေးရွာ ပေါင်း ၇၈ ရွာခန့် ရွှေ့ပြောင်းခဲ့ကြပါကြောင်း၊ စိုက်ပျိုးမြေဧကပေါင်းများစွာလည်း ရေနစ်မြုပ်မှု ကိုခံခဲ့ ကြရပါ ကြောင်း၊ ဒေသခံပြည်သူများ၏ ထိုသို့အနစ်နာခံရွှေ့ပြောင်းပေးခဲ့ရသော်လည်း စိုက်ပျိုးရေ ကို အသုံးပြု၍ မရပါကြောင်း၊ လျှပ်စစ်မီးလည်း တချို့တစ်ဝက်သာရရှိခဲ့ကြပါကြောင်း၊ ထို့အတွက်ကြောင့် ပထမ ဒီမိုကရေစီ အစိုးရဟုဆိုရမည့် သမ္မတကြီးဦးသိန်းစိန်ဦးဆောင်သည့် အစိုးရသစ်ကာလ ၂၀၁၀-၂၀၁၅ ခုနှစ်အတွင်းတွင် သဖန်းဆိပ်ဆည်ကြောင့် ရွှေ့ပြောင်းခဲ့ရပြီး ကျေးရွာများအားလုံးလျှပ်စစ်မီးလင်း ရေး ကို ဦးစားပေးဆောင်ရွက်စေခဲ့ပါကြောင်း၊ ထို့အတွက်ကြောင့်လည်း မိမိ တို့မြို့သူမြို့သားများ၊ နယ်သူ နယ်သားများအနေဖြင့် သမ္မတကြီးဦးသိန်းစိန်၏အစိုးရသစ်ကို ကျေးဇူးတင် ဝမ်းမြောက် ဝမ်းသာ ဖြစ်ခဲ့ကြရပါကြောင်း၊ ယခုအချိန်တွင် အကြမ်းဖက်အဖွဲ့အစည်းများ၏တိုက်ခိုက်မှုကြောင့် ၁၉-၁၂-၂၀၂၅ ရက်နေ့မှ စ၍ သဖန်းဆိပ်ဆည်ကြီးမှာ အကြမ်းဖက်အဖွဲ့အစည်းများ၏ ထိန်းချုပ်မှု အောက်သို့ ရောက်ရှိ သွားပြီး စိုက်ပျိုးရေပေးဝေရေးနှင့် လျှပ်စစ်မီးထုတ်လုပ်ရေးလုပ်ငန်းများ ရပ်ဆိုင်းထားခဲ့ရ သည်မှာ ၇ လခန့် ကြာမြင့်နေပြီဖြစ်ပါကြောင်း။


Read More...

: 18-Jun-2026
ပြည်မြို့နယ်၊ ရပ်ကွက်/ ကျေးရွာအုပ်စုများရှိ ခေတ်ကာလနှင့်ကိုက်ညီမှုမရှိသော လျှပ်စစ်ဓာတ်အား ပေးလိုင်း၊ ကြေးကြိုးများအား(TWO COVER) ရှိသော ကြိုးသစ်များဖြင့် မည်သည့်အချိန်တွင် အသစ် လဲလှယ်တပ်ဆင်ပေးရန် အစီအစဉ်ရှိ မရှိ သိရှိလိုခြင်းနှင့် စပ်လျဉ်းသည့်မေးခွန်း
ပြည်မြို့နယ်အတွင်း အများပြည်သူသုံးစွဲနေသည့် လျှပ်စစ်ဓာတ်အားပေးလိုင်းအချို့သည် ခေတ် ကာလကြာမြင့်စွာ (TWO COVER) မပါရှိသည့် ကြေးနန်းကြိုးများဖြင့် သွယ်တန်းထားရှိပြီး ရာသီ ဥတုနှင့် သဘာဝဘေးအန္တရာယ်များကြောင့် လူနှင့်တိရစ္ဆာန်များထိခိုက်မှု၊ မီးလောင်ကျွမ်းမှုများ ဖြစ်ပွားသည်ကို သိရှိရပါကြောင်း ၊ သက်ဆိုင်ရာဌာနအနေဖြင့် (TWO COVER) ရှိသည့် လျှပ်စစ်ဓာတ် အား လိုင်းကြိုးအသစ် များလဲလှယ်တပ်ဆင်ပေးလျက်ရှိသော်လည်း ပြည်မြို့နယ် အတွင်းမှာ ခေတ် နှင့် ကိုက်ညီမှုမရှိသော လျှပ်စစ်ဓာတ်အားပေးလိုင်းကြေးကြိုးများ များစွာကျန်ရှိနေပါ ကြောင်း၊ သို့ဖြစ်ပါ၍ ပြည်မြို့နယ်၊ ရပ်ကွက်၊ ကျေးရွာအုပ်စုများရှိ ခေတ်ကာလနှင့် ကိုက်ညီမှု မရှိသော လျှပ်စစ်ဓာတ်အားပေးလိုင်း ကြေးကြိုးများကို (TWO COVER) ရှိသည့် ကြေးကြိုးသစ်များ ဖြင့် မည်သည့်အချိန်တွင် အသစ်လဲလှယ်တပ်ဆင်ပေးမည့် အစီအစဉ်ရှိ/ မရှိ ကို သိလိုပါကြောင်းဖြင့် မေးမြန်းပါသည်။


Read More...

: 18-Jun-2026
ညောင်ပင်ကြီး-ဂန့်ဂေါ-ကလေးမဟာဓာတ်အားလိုင်းမှတစ်ဆင့်ကလေးဝ-မော်လိုက်အထိ ရရှိနေ သော လျှပ်စစ်ဓာတ်အားလိုင်းများ ဖျက်ဆီးခံရ၍ ပြတ်တောက်လျက်ရှိပါသည်။ ဓာတ်အားလိုင်း ပြုပြင်ရေးနှင့် အဟာဓာတ်အားလိုင်း ပြန်လည်တပ်ဆင်နိုင်ရေးကို ဦးစားပေးစီစဉ် ဆောင်ရွက်နိုင် ရေး ရှိ မရှိသိရှိလိုခြင်းနှင့်စပ်လျဉ်းသည့်မေးခွန်း
ကလေးဝမြို့၊ ကလေးမြို့၊ မော်လိုက် မြို့နယ်များအတွက် မဟာဓာတ်အားလိုင်းမှ လျှပ်စစ်မီးရရှိလျှင် ညောင်ပင်ကြီး-ဂန့်ဂေါ-ကလေး မဟာ ဓာတ်အားလိုင်းမှတစ်ဆင့် ကလေးဝ၊ မော်လိုက် အထိ ရရှိနေသော လျှပ်စစ်ဓာတ်အားလိုင်းများအား ၂၀၂၅ ခုနှစ်၊ ဖေဖော်ဝါရီလ ၁၄ ရက်နေ့မှစ၍ အကြမ်းဖက်သောင်းကြမ်းသူများ၏ တိုက်ခိုက် ဖျက်ဆီးခံရ၍ ပြတ်တောက် လျက်ရှိ နေပါကြောင်း၊ ၎င်းဓာတ်အားလိုင်းကောင်းမွန်စဉ်ကာလ က ကလေး မြို့နယ်၊ ကလေးဝမြို့နယ်၊ မော်လိုက်မြို့နယ်တို့မှ ပြည်သူများမှာ လျှပ်စစ်ဓာတ်အားသုံးစွဲခွင့်များ ရရှိခဲ့ကြပါကြောင်း၊ လျှပ်စစ် ဓာတ်အားလိုင်း ပြုပြင်ရေးတွင် အမျိုးမျိုးသော အဖျက်အဆီးများကြောင့် နှစ်ချီကြာမြင့်နေပါ၍ မဟာဓာတ်အားလိုင်း ပြန်လည်တပ်ဆင်နိုင်ရေးကို အထက်ဖော်ပြပါမြို့နယ်များရှိ မဲဆန္ဒရှင်မိဘ ပြည်သူများမှ မျှော်လင့်တောင်းတနေကြပါကြောင်း၊ မဟာဓာတ်အားလိုင်းပြန်လည်တပ်ဆင်နိုင်ရေး ကို ဦးစားပေးအစီအစဉ်ဖြင့် အလျှင်အမြန်ဆောင်ရွက်ပေးနိုင်ခြင်း ရှိ မရှိ၊ အစီအစဉ်ရှိပါက မည်သည့် အချိန်၊ မည်သည့်ကာလ၊ မည်သည့်ဘဏ္ဍာနှစ်တွင် မည်ကဲ့သို့စီစဉ် ဆောင်ရွက်ပေးသွားမည်ကို သိရှိလိုပါသဖြင့် မေးမြန်းခဲ့ပါသည်။


Read More...

: 18-Jun-2026